முகப்பு

பக்கம் எண் :

தொடக்கம்

பக்கம் எண்:382 உரை   3. மகத காண்டம்   21. மகட்கொடை வலித்தது              அலகைப் பல்லுயிர்க் கச்ச நீக்குநர்            கவலை கொண்டுதங் காவலிற் றளரின்            உலக மெல்லா நிலைதளர்ந் தழியும்                           (இதுவுமது)                57 - 59: அலகை ......... அழியும்   (பொழிப்புரை) ''பெருமானே! அளவு கடந்த பலவாகிய உயிர்கட்கெல்லாம் துன்பத்தால் வரும் அச்சத்தைப் போக்கிப் பாதுகாப்போராகிய அரசர்களே கவலைகொண்டு தங்காவற்றொழிலிற் றளர்ந்தால் இவ்வுலகில் வாழும் மன்னுயிரெல்லாம் நிலைதளர்ந்து அழிந்துபோம் அல்லவோ'' என்க.   (விளக்கம்) அலகை - அளவு, அளவிறந்த பல்லுயிரென்க. நீக்குநராகிய அரசரே என்க. காவல்-உயிர்களைக் காக்குந் தொழில், உலகம் - உயிரினங்கள் : ஆகுபெயர்.

முன் பக்கம்

மேல்

அடுத்த பக்கம்