"இடிக்குந் துணையாரை யாள்வாரை யாரே
   கெடுக்குந் தகைமை யவர்"

என்றற்றொடக்கத்துத் திருக்குறள்களும்,

  "செவிகைப்பச் சொற்பொறுக்கும் பண்புடை வேந்தன்
   கவிகைக்கீழ்த் தங்கு முலகு"

என்னும் குறளும் நினைவிற்கு வருகின்றன. திரு - திருமகள். தெரிந்து - ஆராய்ந்து. வடுஆழ் கூந்தல் - வகிர்ந்த கோடு ஆழ்ந்து கிடக்குங் கூந்தல். இடை : வேற்றுமை. அவளே இவள் - அவ்வாசவதத்தையே பதுமாபதி. பால் வகைவினை - ஊழ்வினை. யாவர்க்காயினும் - எத்தகைய சான்றோர்க்கும். மேவர - பொருத்தமுண்டாக. மீட்டும் வயந்தகன் கூறுவான் என்க.