முகப்பு

பக்கம் எண் :

தொடக்கம்

பக்கம் எண்:809 உரை   4. வத்தவ காண்டம்   13. முகவெழுத்துக் காதை             விடுத்தவ ளேகி யடுத்தது முரைத்ததும்           தன்னுட் பொருமலொடு தனித்தனி தெரிய           இன்னதென் றெடுத்து நன்னுதற் குரைப்ப           (காஞ்சனமாலை தான் அறிந்ததை                     வாசவதத்தைக்கு உணர்த்தல்)           182 - 184 : விடுத்தவள்..............உரைப்ப   (பொழிப்புரை) இனி வாசவதத்தையால் விடுக்கப்பட்ட காஞ்சனமாலை அம் மன்னன் சென்று மானனீகையைக் கண்டதும் கூறியதும் தன்னுள்ளே பொருமலோடு தனித்தனியே விளங்கும்படி இன்னது இன்னது என்று எடுத்து எடுத்து நல்ல நுதலையுடைய அவ் வாசவதத்தைக்கு உணர்த்தாநிற்ப என்க.   (விளக்கம்) பெயர்; காஞ்சனமாலை. பொருமல் - துன்பத்தால் நெஞ்சம் விம்முதல். நன்னுதல் : வாசவதத்தை.

முன் பக்கம்

மேல்

அடுத்த பக்கம்