துன்பத்தைக் கடல் என்றமையின் அக்கடலுக்கு எதிராய் இன்பக் கடலாகி என்க. மாந்தளிர் மேனி துன்பக்கடற் கெதிராய் இன்பக்கடலாகிப் பின்னரும் அத்துன்பக்கடற்கு ஏந்து புணையும் ஆக என எச்சவும்மை கொடுத்து ஓதுக.

   வாசவதத்தையைப் பெற்ற வின்பத்திற்கு முன்னே தான்பட்ட துன்பமெல்லாம் இல்லையாய்ப் போதலின்: துன்பக்கடற்கு எதிராயதோர் இன்பக்கடல் என்றார். மாதர் - வாசவதத்தை. தோழியும் மெல்லியலாதலின் அவளையும் துயில்வித்தான். இதனால் அவனது அளியுடைமை புலனாம்.