மூலம்
	உரை   2. இலாவாண காண்டம்   7. நகர்வலங் கொண்டது              காட்சி விரும்பன்மின் மாட்சி யின்றென            ஈனாத் தாயர் ஆனாது விலக்கும்      65    ஆணை மறுத்தியாம் ஆண முடைமையின்            இந்நகர் காண்கஎம் அன்னை மாரெனக்           63- 66 ; காட்சி...,..அன்னைமாரென   (பொழிப்புரை) உதயண குமரனைக் காண்டல் விரும்பாதே கொண்மின்; அங்ஙனம் விரும்புதல் மாட்சிமையுடைய தாகாது, என்று செவிலித் தாயர் இடையறாது தடுக்கவும், அவர்தம் கட்டளையை மறுத்து 'எம்மன்னையீர் ! யாம் உதயணனைக்காண விரும்பினோமல்லேம்; ஒப்பனை செய்யப்பட்ட இச்சயந்தியின் அழகினை மட்டுமே காண்பேம் எமக்கு அவ்விருப்பமிருத்தலானே ' என்று கூறி என்க.   (விளக்கம்) செவிலியர். உதயணனைக் கண்ட மகளிர் எல்லாம் வருந்தினர் ஆதலான் நீயிர் விரும்பன்மின் மாட்சியின்று என விலக்குகின்ற ஆணையை மறுத்து யாம் ஆணமுடைமையின் நகர் காண்கம் என்று கூறி என இயைக்க     63. விரும்பன்மின் - விரும்பாதே கொண்மின்.     64, ஈனாத் தாயர்-செவிலித்தாயர்..ஆனாது - அமையாது;இடையறாமல்.     65. ஆணம்- விருப்பம்.     66. காண்கம்-காண்பேம். அன்னைமார்; விளி.