மூலம்
	உரை   2. இலாவாண காண்டம்   8. யூகி போதரவு             உரைத்த வண்ணமு மிகப்பல வாகத்           தொல்லோர் முன்னர்த் தோன்றக் காட்டி      40   ஒல்கா வென்றி உதயணற் றடைஇய           வெல்போர்ப் பெரும்படை வேந்தன் விடுத்ததும்           விடுத்த பெரும்படை விளியத் தாக்கி           உடைத்த தோழர் ஊக்க வென்றியும           38 - 43 : மிகப்பல..,,..,ஊக்க வென்றியும்   (பொழிப்புரை) அவையத்துச் சான்றோர் முன்னர்த் தன் வெகுளிதோன்றப் பலபடப் பேசிப் பிரச்சோதன வேந்தன் உதயணனைத் தடுத்துப் பற்றிவருதற் பொருட்டுத் தனது போர்ப்படையை ஏவியதும், அப்படை கெடும்படி தாக்கி அதனைத் தோற்கச் செய்த தந்தோழருடைய ஊக்கமிக்க வெற்றியினையும் என்க.   (விளக்கம்) 39. தொல்லோர்-பழையோர் ஆகிய அவையத்தார்.    40. ஒல்கா வென்றி - தளராதவெற்றி. தடைஇய - தடுத்தற்கு.    41. வேந்தன் படை விடுத்ததும் எனமாறுக. வேந்தன்;பிரச்சோதனன்.    42.விளிய - அழிய. உடைத்த - உடைந்தோடச் செய்த - தோழர்- ஆண்டு் கரந்துறைந்த நண்பர்.    43,ஊக்கத்தாலுண்டான வெற்றியையும் என்க,