'ஒருநாள் எழுநாள்போல் செல்லும்சேட் சென்றார்
      வருநாள்வைத் தேங்கு பவர்க்கு'       (குறள் , 1269)
  எனவும் வரும் அருமைத் திருக்குறள்களானே தலையன்புடைய காதலர்க்குச் சிறு   பிரிவும் நீளிதாய்த் தோன்றிப் பசப்புறுத்தி வருத்துமியல்புடைத்தாத லறிக.
   7. விழைவன - தன்னால் விரும்பப்பட்டன.
   8. கிண் கிணி - சதங்கை,
   9. நற்பூங்கொம்பர் - நல்ல பூங்கொடி, இது தழையுங் கண்ணியும் ஏந்தி   அசைந் தொல்கி நடக்கும் வாசவதத்தைக்கு உவமை. நடைபெற்றாங்கு -   நடந்தாற்போன்று.
   10, கவவுறு காதல் - அகத்தே பின்னிக் கிடந்த அன்பு, கண்ணுற -   காண்டற்கு,
   11 - 12 பூரணையைப் பொருந்திய முழுவெண்டிங்கள் போன்ற   முகத்தினையும், ஒளியையுடைய வளையல் அணிந்த முன்கையினையும் கண்னுக்கு   நிறைந்த அழகுடைய பொற் குழையினையும் உடைய வாசவதத்தை என்க.  கதுமென - விரைந்து ; (குறிப்புமொழி)