இராமன் தயரதனைச் சந்தித்தல்  

     ஆயது அவ் வழி நிகழ்தர - அத்தகைய செயல் அவ்விடத்து
நடைபெற ; ஆடவர் எல்லாம் - இராமனைக் கண்ட ஆண்கள்
எல்லாரும் ;  தாயை முன்னிய கன்றுஎன நின்று - தாய்ப்பசுவை
நினைந்த கன்று போல நின்று ;  உயிர் தளிர்ப்ப- உயிர் மகிழ்ச்சியடைய;
தூய தம்பியும் தானும் - தூய்மை நிறைந்த தம்பியானஇலக்குவனும்
தானும் ;  அச் சுமந்திரன் தேர்மேல் போய் - அந்தச் சுமந்திரனது
தேரில் ஏறிச் சென்று ;  அகம் குளிர் புரவலன் இருந்துழி - மனம்
மகிழ்ந்திருக்கின்ற தயரதன் இருந்த மண்டபத்துள் ;  புக்கான் - புகுந்தான்.

     உள்ளத்தின் தளிர்ப்புஉயிரின் தளிர்ப்பாகக் கூறப்பட்டது. தம்பியும்
தானும் புக்கான் - சிறப்பினால் ஒருமை வினைக்கொண்டு முடிந்தது,
“வேயுயர் கானில் தானும்தம்பியும் மிதிலைப் பொன்னும் போயினன்
என்றான்” என்பது போல(தைலமாட்டுப் படலம், 60). இருந்தஉழி
- இருந்துழி புக்கான் - புகு என்னும் பகுதி இரட்டித்துக் காலம்
காட்டிற்று.                                      57