| 1380. | ‘மன்னர் ஆனவர் அல்லர் ;
மேல் வானவர்க்கு அரசு ஆம்
பொன்னின் வார் கழல்
புரந்தரன் போலியர் அல்லர் ;
பின்னும், மா தவம் தொடங்கி,
நோன்பு இழைத்தவர் அல்லர் ;
சொல் மறா மகப் பெற்றவர்
அருந்துயர் துறந்தார். |
‘அருந் துயர் துறந்தார் - இவ்வுலகில் அரிய துன்பத்திலிருந்து
விடுபட்டவர்கள் ; மன்னர் ஆனவர் அல்லவர் - அரசர்களாக
வாழ்கின்றவர்கள்அல்லர் ; மேல் - மேலுலகில் உள்ள ; வானவர்க்கு
அரசு ஆம் -தேவர்களுக்கு அரசனாகிய ; பொன்னின் வார்கழல்
புரந்தரன் போலியன் அல்லர் -பொன்னாலான நீண்ட வீரக்கழல்
அணிந்த இந்திரன் போன்றவரும் அல்லர் ; பின்னும்- அன்றியும் ; மா
தவம் தொடங்கி - பெருந்தவத்தைச் செய்யத் தொடங்கி ; நோன்பு
இழத்தவர் அல்லர் - பல விரதங்களைச் செய்தவரும் அல்லர் ; சொல்
மறா மகப் பெற்றவர் - (பின்னர் யார் என்று வினவின்) தம் சொல்லைத்
தட்டாதமக்களைப் பெற்றவரே ஆவர்.’ நல்ல மக்களைப் பெற்றவரே துயரம் நீங்கியவர் என்பது கருத்து.
“ஏவா மக்கள் மூவா மருந்து” என்பது ஈண்டு நினைத்தற்குரியது. 67 |