இராமன் தேரில் ஏறிச் செல்லுதல் | 1576. | ஐயனும், அச் சொல் கேளா,
ஆயிர மெளிலியானைக்
கைதொழுது, அரச வெள்ளம்
கடல் எனத் தொடர்ந்து சுற்ற,
தெய்வ கீதங்கள் பாட,
தேவரும் மகிழ்ந்து வாழ்த்த,
தையலார் இரைத்து நோக்க,
தார் அணி தேரில் சென்றான். |
ஐயனும் - இராமபிரானும்; அச் சொல்கேளா - அந்தச் சொற்களைக்
கேட்டு;ஆயிரம் மௌலியானைக் கைதொழுது - ஆயிரம்
திருமுடிகளையுடைய திருமாலை வணங்கி; அரசவெள்ளம் - அரசர்
கூட்டம்; கடல் எனத் தொடர்ந்து சுற்ற - கடல் போலப் பின்தொடர்ந்து
சூழவும்; தெய்வ கீதங்கள் பாட - கடவுளைப் போற்றும் இசைகளை
இசைவாணர்கள் பாடிவரவும்; தேவரும் மகிழ்ந்து வாழ்த்த - (வானில்
கூடிய) தேவர்களும்உவகைகொண்டு வாழ்த்தவும்; தையலார் இரைத்து
நோக்க - மகளிர் ஆரவாரித்துத் தன்னைவிரும்பிப் பார்க்கவும்; தார்
அணி தேரில் சென்றான் - மாலைகளால் ஒப்பனைசெய்யப்பட்ட தேரில்
போனான். இராமன் சுமந்திரன் சொற்கேட்டுத் தன் குலதெய்வமான
அரங்கநாதனைத் தொழுது தேரில் புறப்பட்டான். இரைத்தல் - மகிழ்ச்சியால்
ஆரவாரித்தல். 86 |