| 1586. | ‘ஆர்கலி அகழ்ந்தோர், கங்கை
அவனியில் கொணர்ந்தோர், முந்தைப்
போர் கெழு புலவர்க்கு ஆகி
அசுரரைப் பொருது வென்றோர்.
பேர்கெழு சிறப்பின் வந்த
பெரும் புகழ் நிற்பது, ஐயன்
தார் கெழு திரள் தோள் தந்த
புகழினைத் தழுவி’ என்பார். |
ஆர்கலி அகழ்ந்தோர் - கடலைத் தோண்டியவரும்; கங்கை
அவனியில்கொணர்ந்தோர் - ஆகாய கங்கையை உலகத்திற்குக்
கொண்டுவந்தவரும்; முந்தை -பழமையாகிய; போர் கெழு புலவர்க்கு
ஆகி - (அசுரரோடு) போர்மிக்க தேவர்களுக்குத்துணையாகி; அகரரைப்
பொருது வென்றோர்- அசுரர்களைப் போரிட்டு வெற்றிபெற்றவரும் (ஆகிய
இக் குலத்து முன்னோர் பலருக்கும்); பேர் கெழு சிறப்பின் வந்த -
விளங்குகின்ற மேன்மையோடு உண்டாகிய; பெரும் புகழ் நிற்பது - மிக்க
கீர்த்திநிலைத்து நிற்பது; ஐயன் தார் கெழு - இராமபிரானது
வெற்றிமாலை பொருந்திய; திரள்தோள்தந்த புகழினை - திரண்ட
தோள்கள் உண்டாக்கிய கீர்த்தியை; தழுவி -தழுவியே யாம்; என்பார். ஆர்கலி அகழ்ந்தவர் சகரர்; கங்கை தந்தோன் - பகீரதன்; அசுரரை
வென்றோர் -ககுத்தன், முசுகுந்தன் முதலியோர். ஐயன் திரள்
தோற்களுக்குத் தாடகைவதம், சிவனது வில்லைமுறித்தது, பரசுராமனை
அடக்கியது. ஆகியவற்றால் புகழ் உண்டாயிற்று. புலவர் -அறிவினையுடைய
தேவர்கள். அசுரர் - சுரர்க்குப் பகைவர். சுரர் - தேவர்; அமுதத்தை
(சுராவை)உண்டவர். 96 |