| 1720. | அடியில் சுடர் பொன்
கழல் ஆர்கலி நாண ஆர்ப்ப
பிடியில் தடவும் சிலை
நாண் பெரும் பூசல் ஓசை,
இடியின் தொடர,
கடல் ஏழும் மடுத்து, இஞ் ஞால
முடிவில் குமுறும்
மழை மும்மையின்மேல் முழங்க, |
அடியில்சுடர் பொன் கழல் ஆர்கலி நாண ஆர்ப்ப -
பாதங்களில் ஓளிவீசும்பொன்னால் ஆகிய வீரக்கழலை கடல் வெட்கமுறும்
படி பேரொலி செய்ய; பிடியில் தடவும் -கைப்பிடியால்தடவப் பெறுகின்ற;
சிலை நாண் பெரும் பூசல் ஓசை - வில்லினதுகயிற்றைத்தெறிப்பதால்
உளதாகும் பெரிய ஆரவார ஒலி; இஞ்ஞால முடிவில் -இந்த உலக
முடிவில்; கடல் ஏழும் மடுத்து - ஏழு கடல்களையும் குடித்து; இடியின்
தொடர -இடிகளோடு தொடர்ந்து; குமுறும்- முழங்குகின்ற; மழை-
மழையைக்காட்டிலும்; மும்மையின் மேல் முழங்க- மூன்று மடங்கு
அதிகமாக ஒலிக்க. வில்லில் நாண் ஏற்றிய பிறகு நாணின் இறுக்கத்தைச் சோதித்துத்
தெறிப்பர்;தெறிக்கும்போது எழும் ஓசை பேரொலியாக உண்டாகும்.
அதை வருணிப்பது கவிமரபு. 115 |