‘விண் நாட்டவர் - தேவர் உலகத்துள்ளவர்; மண்ணவர் -
மண்னுலகில் உள்ளவர்; விஞ்சையர் - வித்தியாதரர்;  நாகர் - பாதல
உலகத்தில் வசிப்போர்; மற்றும் - வேறாக;  எண் நாட்டவர் -
எண்ணப்படும்  நாட்டில் உள்ளவர்; யாவரும் - அனைவரும்; நிற்க -
கிடக்கட்டும்; (அவரினும் மேம்பட்டு) ஓர் மூவர்ஆகி - மூன்று பேராக
இருந்து;  மண் நாட்டுநர் - உலகத்தை நிலை நிறுத்திக்காக்கின்ற
திருமாலும்;  காட்டுநர் - படைக்கின்ற பிரமனும்;  வீட்டுநர் - அழிக்கின்ற
உருத்திரனும் ஆகிய மூவர் (துணையாக);  வந்த போதும் - வந்தாலும்;
இனிப் பேர் உலகத்துள் பெண் நாட்டம் - இனி இவ்வுலகில் பெண்ணின்
மனக்கருத்துக்கு;  ஒட்டேன் - உடன்படேன்;  என்னா - என்று சொல்லி.

     யார் துணையாக வரினும் கைகேயியின் மனக்கருத்து  நிறைவேற
விடமாட்டேன் என்பான் இவ்வாறுகூறினான். நாட்டுதல் - நிலைபெறுத்தல்-
நிலைநிறுத்தல் அதாவது காத்தலாம். “உலகம்யாவையும் தாம் உளவாக்கலும்,
நிலை பெறுத்தலும்,  நீக்கலும்” என்பது  (1.) காண்க.                 118