சுமந்திரனால் செய்தி அறிந்து வசிட்டன் வந்து வருந்தல்  

     மாதரார்கள் அறுபதினாயிரரும் - (தசரதன்) மனைவியராய
அறுபதினாயிரம்தேவிமார்களும்;  உள்ளம் வலித்து  இருப்ப - உடன்
கட்டை  ஏறுவது  என்று  மனத்தில் உறுதி செய்துகொண்டு  இருக்க;
கோது இல் குணத்துக் கோசலையும் இளையமாதும் குழைந்து ஏங்க-
குற்றமற்ற குணத்தை உடைய கோசலாதேவியும்,  சுமித்திராதேவியும்  மனம்
இளகி வாட;(இந்நிலையில்) சோதி மணித்தேர்ச் சுமந்திரன்சென்று -
ஒளியை உடைய மணிகள்கட்டப்பட்ட தேரை உடைய சுமந்திரன் போய்;
அரசன் தன்மை சொல - தயரதன் இறப்பைத்தெரிவிக்க;  வந்த வேத
முனிவன் - அங்கே வந்த வசிட்ட முனிவன்;  விதி செய்தவினையை
நோக்கி - ஊழ்வினை செய்த செயலை உள்ளத்தாலும் கண்ணாலும் நோக்கி;
விம்முவான் - வருந்துவான் ஆனான்.

     அரசன் துடிக்கும் காட்சியைக் காணச் சகியாமல் அப்பால் சென்ற
வசிட்டன் சுமந்திரனால்செய்தி அறிந்து  வந்து  வருந்தினன்.         73