முனி பணியால் - வசிட்டன் கட்டளையால்; வெள்ளத்து இடைவாழ்
வட அனலைஅஞ்சி - கடல்நீர்ப் பெருக்கின் இடையே தங்கியுள்ள
வடவாக்கினிக்குப் பயந்து; வேலைகடவாத - தன் கரையைக் கடந்து
செல்லாத;  பள்ளக் கடலின் - ஆழமான கடல் போல; பையுள் நகரம்
வைகிட - துன்பமுடைய நகரமாந்தர் ஆற்றித் தங்கியிருக்க;  மேல் -
அடுத்து; வள்ளல் தாதை பணி என்னும் வானோர் தவத்தால் -
வள்ளன்மை  உடைய தயரதன்ஆணை என்கின்ற தேவர்கள் செய்த
தவப்பயனால்;  வயங்கு இருளின் நள்ளில் - விளங்கும்நடு இரவில்;
போன - காடு சென்ற; வரி சிலைக்கை நம்பி - கட்டமைந்தவில்லை
உடைய இராமனது; செய்கை - செயலை;  நடத்துவாம் - சொல்லுவோம்.

     தசரதன் பணியாயினும்அது வானோர் தவமே ஆகும். ‘கூனும் சிறிய
கோத்தாயும் கொடுமைஇழைப்பக் கோல் துறந்து, இமையோர் இடுக்கண்
தீர்த்த கழல் வேந்து’ என்பதும் (1313)காண்க. வடவை - பெண்குதிரை
முகம் உடையதாய்க் கடல் நடுவில் இருந்து  கடல் நீரைக்கட்டுப்படுத்தும்
நெருப்பு. வசிட்டன் வடிவைக்கனல்- கடல் நகரமாந்தர். அடங்கல் - அமைதி
அடைதல் என உவமை காண்க. வேலை - கரை.                     86