தொளை கட்டிய கிளை- தொளை பொருந்திய புல்லாங்குழலிலிருந்து;
முட்டிய -தாக்கி எழுப்பிய;  சுருதி - காதால் கேட்டு அனுபவிக்கும்
தன்மையதான;  சுவை அமுதின்- சுவையுடைய இசை அமுதம் போலவும்;
கிளை கட்டிய கருவி - நரம்புகள் இணைத்துக்கட்டப்பெற்ற யாழிலிருந்து;
கிளர் இசையின் - உண்டாகின்ற இசையைப் போலவும்; பசை நறவின் -
சாரமுள்ள தேனைப் போலவும்; விளை கட்டியின் - நன்றாக விளைந்த
பாகுக் கட்டி போலவும்;  மதுரித்து எழு - இனிமை உடையதாகி எழுகின்ற;
கிளவி -பேச்சினை உடைய; கிளி - கிளி போல்பவளாகிய சீதையினது;
விழி போல் -கண்களைப் போல; களை கட்டவர் - களை பறிப்பவர்;
தளைவிட்டு எறி -வயலிலிருந்து வீசி எறிகின்ற;  குவளைத் தொகை
கண்டான் - குவளை மலர்களின்கூட்டத்தைப் பார்த்தான்.

     சீதையின் சொல்லினிமைக்குக் குழலிசை, யாழிசை, தேன், கட்டி என
இவை உவமையாம்.களை பிடுங்குவார் எறிந்த கருங்குவளை மலர்கள்
சீதையின் கண்போலத் தோன்றிய இராமனுக்குஎன்பதாகும்.             5