| 2012. | ‘கன்னியர் அணி கோலம்
கற்று அறிகுநர் என்ன,
பொன் அணி நிற வேங்கை
கோங்குகள், புகு மென் பூ,
அன்ன மென் நடையாய்! நின்
அளக நல் நுதல் அப்பும்
சின்ன மென் மலர் மானச்
சிந்துவ பல - காணாய்! |
அன்னம் மென் நடையாய்! - அன்னப் பறவை போன்ற மெல்லிய
நடையை உடையவளே!; பொன் அணி நிற வேங்கை, கோங்குகள் -
பொன் போன்ற அழகிய நிறம்படைத்த வேங்கைமரமும் கோங்க மரமும்;
கன்னியர் அணிகோலம் கற்று அறிகுநர் என்ன - கன்னிப்பெண்கள்
அணிகின்ற அழகுக் கலையைக் கற்றுப் பழகுபவர்களைப் போல; புது மென்
பூ -புதிய மென்மையான பூக்களை; நின் அளக நல் நுதல் அப்பும் -
உன்னுடைய கூந்தலோடு கூடிய நல்ல நெற்றியிலே அப்புகின்ற; சின்னம்
மென் மலர்மான- விடு பூக்களாகிய மெல்லியமலரை ஒப்ப; சிந்துவ பல-
சிதறுகின்ற பலவற்றையும்; காணாய் -. கோலம் செய்வாற்நெற்றியில் மலர் அப்புதல் வழக்கு.சின்னம் - விடு
பூ. (உதிரிப் பூக்கள்.) கோங்கு, வேங்கை இரண்டும் பொன்னிறம் வாய்ந்த
மலர்களை உடையவை. குழலில்வேங்கையும் கோங்கும் அணிவர்
என்பதை, “நின் குழல் வேங்கையம்போதொடு கோங்கம் விராய்”
என்பதனுள் (திருக்கோவையார். 205)காண்க. 14 |