இராமன் அங்குத் தங்க இயலாமை கூறுதல்  

     பூண்ட மாதவன் - மேற்கொண்ட தவத்தை  உடைய பரத்து வாசன்;
அம்மொழி -மேற் சொல்லிய வார்த்தைகளை;  விரும்பினன் புகல -
அன்பொடு கூற; இராமன்-; நெடுநாள் மாண்ட சிந்தைய! - நீண்ட
நாளாகத் தவத்தின் மேற்சென்ற’ பெருமை பெற்றமனத்தினை உடைய
முனிவ!; இது - இந்த இடம்; நிறை புனல் நாட்டுக்கு -நிறைந்த நீர்வளம்
உடைய எனது கோசல நாட்டுக்கு; நீண்டது அன்று - நெடுந்தொலைவில்
உள்ளது அன்று; இவ் வழி - இவ் விடத்தில்;  வைகுவென் என்றால் -
தங்கியிருப்பேனாயின்; யாவரும் - கோசல நாட்டு மக்கள் யாவரும்;
ஈண்ட - விரைவாக; நெருங்குவர் - என்னை வந்து அடைந்துவிடுவார்கள்;’
என்றனன் -.

     நாட்டுக்கு மிக அருகில் தங்கினால் நாட்டு மக்கள் அடிக்கடி வருவர்;
ஆதலின் அது தன்தவத்திற்கும் இடையூறாகும்; முனிவர்களின்
கடமைகளுக்கும் இடையூறாகும் என்று புலப்படுத்திமறுத்தான் இராமன்.  32