சொல்'எனவும், இலையின் பசுமையை முதலாகிய சோலையின் மேலேற்றி,
'பசுங்கா' எனவும் கூறப்பட்டன.                                 (269)

111.-'உத்தரன் வெற்றிபெற்று மீள்கின்றனன்' என்று
விராடனுக்குச் சொல்லும்படி அருச்சுனன் தூதரையனுப்புதல்.

     தாங்கள் விராடராஜனால் ஆதரிக்கப்பட்டமையால், அவ்வுபகாரத்துக்குப்
பிரதியுபகாரமாக, இப்போரை உத்தரனே வென்றனனென்று அவனது
தந்தையார் முதலியோர் கருதி மகிழும்படி செய்விக்கவெண்ணி அருச்சுனன்
இங்ஙனஞ் செய்திசொல்லுமாறு விராடனைக்குறித்துத் தூதரை யேவினனென்க.
மன்னவன் கவலையையொழிக்க, தூதரை யோடவிட்டனன்.  தேர் -
தேர்வீரர்க்கு ஆகுபெயர்.  மகிழ்ச்சிபற்றிய அடுக்காகப் பலமுறை சொல்லுமாறு
கூறின னென்பது தோன்ற, 'என்று என்று' எனப்பட்டது;  ஊர்முழுவதிலும்
அரசனிடத்துஞ் சொல்லும்படி யென்ற கருத்தில் வந்ததுமாம்.  முன்னைய
நியமத்தின்படி வநவாஸ அஜ்ஞாதவாஸங்களை இடையூறின்றிக்
கழித்தாயினமைபற்றியும், குருநாட்டையாளுகின்ற துரியோதனனை
வென்றிட்டமைபற்றியும் இங்கு அருச்சுனனை 'கங்கை நாடுடை நிருபர்
கோமான்' என்றார்.                                          (270)

112.-அன்றைக்காலையிலேயே விராடராஜன்
தன்நகரத்துவந்து சேர்தல்.