சிலகுதிரைகள் ஏறிச்செலுத்துதற்கு உரியனவாக, சிலகுதிரைகள் தேரிற்
கட்டியோட்டுதற்கு உரியனவா மென்பது அறிக.                  (24)

25.-விராடன் நகுலனைச் சன்மானித்து
அவனுக்குக் குதிரைகட்கு அதிபதியாகும்பதவியை யுமளித்தல்.

      (இ -ள்.) என்ன - என்று, அ புரவி ஏறு நாயகன் வந்து இயம்பிய -
அந்தச்சிறந்த குதிரைகட்குத் தலைவனானவன் வந்துசொன்ன, இன் மொழி -
இனியவார்த்தையை, கேட்டு - செவியேற்று,- மன்னவர்க்கு எல்லாம் ஒதுங்கும்
நீள் நிழல் ஆய் வயங்கும் - அரசர்கட்கெல்லாம் வந்து ஒதுங்குதற்கு உரிய
நீண்ட நிழலையுடையதாய் விளங்குகின்ற, மா மதி குடை - சிறந்த
சந்திரன்போன்ற வெண்கொற்றக்குடையையுடைய, மன்னன் - விராடராசன்,-
(வந்த அந்த நகுலனுக்கு), முன்னவர்க்கு - முன்னமே (தன்னிடத்துக்)
குதிரைத்தலைவராயமர்ந்திருப்பவர்க்கு, உள்ள-, வரிசைகள் யாஉம் -
சிறப்புக்களையெல்லாம், மும்மடங்கு ஆக - மூன்றுமடங்கு மிகுதியாக
அமையும்படி, வழங்கி - கொடுத்து, அ நகர் துரங்கம் அவை
அனைத்தினுக்குஉம் - அந்த அரண்மனையிலுள்ள குதிரைகள்
எல்லாவற்றுக்கும், அதிபதி - தலைவன், எனும் - என்கின்ற, பதம் -
பதவியையும், கொடுத்தான்-;

     துரங்கம் - வேகமாகச் செல்வதென்று பொருள்படும் வடசொல்.
புரவியேறுநாயகன் என்று பிரதிபேதம்.                        (25)

26.-சகதேவன் இடையர்கோலத்தோடு,
விராடனது சபையைச் சேர்தல்.

      (இ -ள்.) கிளை படு - பல பகுப்புப்பொருந்திய, புரவி - குதிரையை,
புரந்திடும் - காக்குந்தொழிலைத் தெரிந்த, தாமக்கிரந்தி ஆம் பெயர் புனை -
தாமக்கிரந்தி யென்கிற பெயர்பூண்ட, நகுலற்கு-, இளையவன்-தம்பியாகிய
சகதேவன், நந்தகோபன் மைந்தனை போல் - நந்தகோபனுடைய மகனாய்
வளர்ந்த ஸ்ரீக்ருஷ்ணனைப்போல், இடையர்தம் கோலம் அது எய்தி-
இடைக்கோலத்தைப் பூண்டு, துளை படுகுழையில் - துளைபொருந்திய ஒரு
காதிலே மாத்திரம், ஒரு குழைஅணிந்து-ஒப்பற்றகுழையென்னுங் காதணியை
யணிந்து, தோளில்-, ஓர் தொடி தடி தழுவி - ஒரு வளைவான தடியைத்
தாங்கிக்