கொண்டுவிளை புகழ் விராடன் வேந்து அவை அதனை - முதிர்ந்த
புகழையுடைய விராடமன்னனுடைய இராசசபையை, வேறு ஒரு நாளையின் -
வேறொருதினத்திலே, அடைந்தான் - வந்து சேர்ந்தான்; (எ - று.)

     க்ருஷ்ணனைச் சகதேவனுக்கு உவமை கூறியதனால், க்ஷத்திரியனானவன்
இடைக்கோலத்தைக் கொண்டமையும் விளங்கும்.  குழையணிந்து -
தளிரையணிந்து என்றலும் உண்டு.  குதிரையின்வகைகளைப்பற்றி 'மங்காளன்
சாரங்கன் கங்காநீலன் மௌவழகன் கொங்காளன் கன்னசம்பான்,
குங்குமச்சோரன் கரியான்நீலன் சாரன் குலவுமள்ளான் உரஞ்சிவந்தான்
நல்லான் பொல்லான், தங்குகருங்காற்சம்பான் என்று கூறுந்தன்மையுள" என்று
திருவாதவூரர்புராணத்தும், "உயர்கனவட்டம் போரா னுரனுளான் கொங்கான்
கங்கான், மயில்வரி நீலான் பொல்லான் மகிழ்விதை மௌவான்சேயான், நயன
வஞ்சனம் பொன் மாரி பாடல நளினி பச்சை பயமிலாமரீசி கோரம்
பட்டவர்த்தனங்கள்பாரே" என்று திருவாலவாயுடையார்
திருவிளையாடற்புராணத்திலும், மற்றும் கல்லாடம் முதலியவற்றிலும்
கூறியிருப்பது காண்க.                                       (26)

27.-சகதேவன் தான் கொண்டகோலத்திற்குஏற்ப,
 வினாவிய விராடனுக்குத் தன்னைத்தெரிவித்தல்.

     விராடன் தன்னைவணங்கினானென்று நினையாநிற்கத் தருமனை
வணங்கினானென்பார் 'பூபதியைச் சீருற வேறோர்விரகினால் வணங்கி' என்றார்.
                                                            (27)