பொறைஆடவர்க்கு வேண்டுமென்று வற்புறுத்துக் கூறப்பட்டிருப்பினும்
அப்பொறைக்குரிய இடத்து அதனை மேற்கொள்ளுதல் தக்கதேயன்றி,
முறையறப் பொருந்தார் புரிந்தபோது அப்பொறையை மேற்கொள்வது தகுதியன்
றென்பதாம். இவ்விஷயத்தைவிளக்கப் பின்னிரண்டடிகளை எடுத்துக்காட்டாகப்
பேசுகிறார். | 50. | அரசவைப்புறத்திற்சௌபலன்சூதி லழிந்தநாளினுமெமை
யடக்கி,
முரசவெங்கொடியோன்றேசழித்தனனாலின்றுமம்முறைமையே
மொழிந்தான்,
புரசைவெங்களிற்றின்மத்தகம்பிளக்கும் போருகிர்மடங்
கல்போலின்னே,
துரிசறப்பொருதுகீசகனுடலந்துணிப்பன்யான்றுணைவரோ
டென்றான். |
(இ -ள்.) சௌபலன் சூதில் அழிந்த நாளின்உம் - சுபலனது புத்தி
ரனாகிய சகுனியோடு ஆடிய சூதாட்டத்தில் தோற்ற காலத்திலும், அரசு
அவைப்புறத்தில் - ராஜசபையிலே, (தீண்டாக்காலத்தில் திரௌபதியாகிய
உன்னைத் துரியோதனன் துச்சாதனனைக்கொண்டு கொணர்வித்துத்
துகிலுரிகையிலும்) எமை-(தன் தம்பியராகிய) எங்களை, அடக்கி - (வெகுண்டு
பகையழிக்காதபடி) தடுத்து, முரசம் வெம் கொடியோன் - முரசமென்ற
வெவ்விய கொடியையுடைய யுதிஷ்டிரன், தேசு அழித்தனன் - (எங்களுடைய)
பராக்கிரமத்தை வெளியிடவொட்டாது செய்தான்: இன்றுஉம் - இன்றைக்கும்,
அ முறைமைஏ - அந்தக்கிரமத்தின்படியே, மொழிந்தான் - (உன்னைப்
பரிபவப்படுத்திய கீசகனை அந்நிலையிலேயே யழிக்கவெட்டாது குறிப்பு)
மொழியால் தடுத்திட்டான்: புரசை வெம் களிற்றின் மத்தகம் பிளக்கும் போர்
உகிர் மடங்கல் போல் - கழுத்திடு கயிற்றையுடைய கொடிய மதயானையின்
மத்தகங்களைப் பிளக்கும் வல்லமையையுடைய போர்செய்யவல்ல
நகாயுதமானசிங்கததைப்போல, இன்னே - இப்போதே, பொருது - போர்செய்து,
துரிசு அற - (அன்னான் செய்த) குற்றம்நீங்க, கீசகன் உடலம் -
அந்தக்கீசகனுடைய உடம்பை, யான்-, துணைவரோடு - (அவனுடைய) தம்பி
மார்களுடனே, துணிப்பன் - பிளந்திடுவேன், என்றான் -: (எ - று.) 'இக்கங்குல் புரிவது யாது?' என்று வினாவிய திரௌபதிக்கு, வீமன்
'இன்னே கீசகனுடலத்தைத் துணைவரோடு துரிசறத்துணிப்பன்' என்று
விடைகூறியவாறு. தேசு-தேஜஸ்: ஒளி: வீரர்கட்குள் மிக்குத்தோன்றுதற்குக்
காரணமான பராக்கிரமம். ஆல் - தேற்றம்: ஈற்றசையுமாம். (102) 51.-தருமபுத்திரன் தடுத்ததற்குத் திரௌபதி காரணங் கூறுதல். மருத்தின்மாமதலைவார்த்தைகேட்டந்த மருச்சகன் மடக்கொடி
யுரைப்பாள்.
உரைத்தநாளெல்லாஞ்சில்பகலொழிய வொழிந்தனவொழி
விலாவுரவோய்,
அருத்தியோடொருவரறிவுறாவண்ண மிருந்தசீரழி
வுறுமென்னுங்,
கருத்துநின்றம்முற்குண்மையிற்றடுத்தான் காலமுந்தேய
முமுணர்வான். |
|