இரண்டாவது
சம்பவச்சருக்கம்

     (கதாநாயகரான தருமன் முதலியோரின்) பிறப்பைப்பற்றிக் கூறுஞ்சருக்கம்
என்றுபொருள்படும். சம்பவம் = ஸம்பவம்: பிறத்தலென்று பொருள். இதில்,
விசித்திரவீரியனுடைய மனைவியரான அம்பிகை அம்பாலிகையர்பால்
திருதராட்டிரனும்பாண்டுவும் தோன்றியதும், திருதராட்டிரன் மனைவியான
காந்தாரியினிடத்தும்பாண்டுவின்மனைவியரான குந்தி மாத்திரியரிடத்தும்
துரியோதனன் முதலியநூற்றுவரும் பஞ்சபாண்டவரும் தோன்றியதும், பாண்டு
இறந்ததும், இம்மக்களின்வளர்ச்சியும் கூறப்படும்.

1. கடவுள் வணக்கம்.

     (இ-ள்.) அரிய கங்குலின் - (செறிந்த இருளால் இணங்குதற்கு) அருமையான
இராப்போதில், அலகை ஆகிய நங்கை-(இயற்கையிற்)பேயான பெண், அன்னை
தன்வடிவுகொண்டு - தாயின் வடிவைக்கொண்டு, பரிவு பொங்கவந்து - அன்பு
பொங்கப்பெற்றவள் போன்று வந்து, எடுத்து-, அணைத்து - தழுவி, உவந்து -
மகிழ்ந்து, உளம் பரிந்து - மனத்திலிரக்கங்கொண்டு, உடன் - அப்பரிவுடன்,
பாராட்ட- பாராட்டாநிற்க,- உருகும் மா முலைப்பாலுடன் - பெருகுகின்ற மிக்க
முலைப்பாலுடனே, அவள் உயிர் உண்டு - அந்தப்பேய்ச்சியின் முலையையுண்டு,
அழும் - அழுபவனான, முருகுஆர் - இளமை நிறைந்த, மெய் - உடல்படைத்த,
கரிய- கருநிறமுள்ளவனான, கோவலன் - இடையனான ஸ்ரீகிருஷ்ணனுடைய,
செய்யதாள்மலர்கள் - செந்நிறமுள்ள தாமரைமலர்கள், என் கருத்தை விட்டு-,
அகலா -(ஒருபோதும்) நீங்காது நிற்கும்; (எ -று.)

     கோபாலனது திருவடித்தாமரை மலர்களையே அனவரதமுஞ்
சிந்திப்பேனென்பதாம். பாலுண்பதென்ற வியாஜத்தினாற் பூதனையுயிரைத்
திருமால்உண்டானென்க.

     இதுமுதல் நாற்பத்திரண்டுகவிகள் - பெரும்பாலும் முதற்சீரொன்று
மாச்சீரும்,ஈற்றுச்சீரொன்று காய்ச்சீரும், மற்றை நான்கும் விளச்சீருமாகவந்த
அறுசீராசிரியவிருத்தங்கள்.                                        (156)

2.- இறந்தமைந்தனுக்குச் செய்யவேண்டிய சடங்குகளைச் செய்தபின்,
வீடுமன் வருந்துகையில், தாய் கூறத் தொடங்கல்.

     (இ-ள்,) இறந்த மைந்தனுக்கு - (க்ஷய ரோகத்தால்) இறந்திட்ட
விசித்திரவீரியனுக்கு, உரிய - செய்யவேண்டிய சடங்குகளை,