யிலும் நெய்ப்பிலும் திரண்டுருண்டு நீண்டவடிவத்திலும் இள மூங்கில் -
திரௌபதியின் தோள்கட்கும், விளக்கத்திலும் ஒல்கியொசிதலிலும் மின்னல் -
அவளது மேனிக்கும் உவமையாம்.  சேய் - செந்நிறம்பற்றி வந்தபெயர்;
முருகக்கடவுளைக் குறிக்கும் இப்பெயர் - உவமையாகுபெயராய் அக்கடவுள்
போன்ற வீரம் அழகு முதலிய குணங்களையுடைய ஏனையோர்க்கும்
வழங்கும். மின். உவமவாகுபெயர்.  அகண்டம் - வடசொல்.          (289)

137.- பாண்டவர்கள் தாம்வந்த காரணத்தை
 வீடுமனிடஞ் சொல்லுதல். 

     (இ -ள்.) தேன் தழைத்த தார் செல்வர் - தேன் மிக்குப் பொருந்திய
மலர்மாலையையணிந்த செல்வச்சிறப்பையுடையவர்களாகிய பாண்டவர்கள், -
வேந்து அழைத்ததும் - திருதராட்டிரமகாராசன்  (தன்னிடத்திற்கு வரும்
பொருட்டுத் தங்கட்குத்) திருமுகம் விடுத்ததையும், ஏவலின் விதுரம் போந்து
அழைத்ததும் - (அத்திருதராட்டிரனது) கட்டளையினால் விதுரன்
(இந்திரப்பிரத்தத்திற்கு) வந்து (திருமுகங்கொணர்ந்து கொடுத்துத் தங்களை
நேரில்) அழைத்ததையும், புகல வந்ததும் - (அங்ஙனம் விதுரன்) சொல்லத்
(தாங்கள்) வந்ததையும், தாம்-, தந்தை தந்தை முன் - பாட்டனாகிய
வீடுமனிடத்தில், தழைக்க கூறினார் - விவரமாகச் சொன்னார்கள்; (எ - று.)

    இலக்கணையால், முதலிலுள்ள 'அழைத்ததும்' என்பது, திருமுகம்
விடுத்ததை யுணர்த்திற்று.  தந்தைதந்தை - தந்தைக்குத் தந்தை; பிதாமகன். (290)

138.- அதற்கு வீடுமன் கூறுதல்.

     (இ -ள்.) புள்  அலங்கலார் - வண்டுகள் மொய்க்கும் மலர்
மாலையையணிந்த பாண்டவர்கள், புரிவு உரைத்திட - (தாங்கள் வந்த)
செய்தியைச் சொல்ல,- (அதைக்கேட்டு), கொள்ளை வல்திறல் குருகுல ஈசனும்
- மிகவும் வலிய சாமர்த்தியத்தையுடைய குருகுலத்தாரில் தலைவனான
வீடுமனும், 'கள்ளம் வஞ்சர் - திருட்டுத்தனமாகத் தீங்குசெய்யுங்
கருத்துடையவர்கள், வெம் கருவி செய்யினும் - (தீமைநேரும்படி) கொடிய
உபாயங்களைச்செய்