(இ-ள்.) சிங்கம் போல்வான்-சிங்கத்தையொப்பவனாகிய வீமசேனன், அ
படை தொகைகள் எல்லாம்-அந்த ஆயுதங்களின் கூட்டங்களை யெல்லாம்,
அறுத்து அறுத்து - துண்டுதுண்டாக்கி, அவர்கள் தத்தம் மெய்பட -
அவ்வவ்வரக்கர்களது உடம்புகளிற் படும்படி, சரங்கள் சிந்தி-பாணங்களைப்
பிரயோகித்து, சிரங்கள் வெவ்வேறாது ஆக்கி - (அவர்கள்) தலைகளை
(அவர்களின் உடம்புகளின்று) வேறுவேறாகச்செய்து, இப்படிக்கு அரக்கர்
சேனை யாவைஉம் மீண்டுஉம் துணித்து - இவ்விதமாக
இராக்கதர்சேனைகளையெல்லாம் மறுபடியும் அழித்து, செப்படிப்பவரின்
நின்று-செப்படிவித்தை செய்பவர்போல (ச் சிறிதும் சிரமமில்லாமல் இவ்வளவு
தொழிலையுஞ் செய்து) நின்று, சிரித்தனன்-சித்தான்; (எ-று.)

     இங்குக் கூறிய உவமையால் வீமனுக்கு அரக்கரைவென்றமை ஒரு
வினோதமாக இருந்ததன்றிச் சிறிதும் சிரமமின்மை வெளியாம். இந்த நகை,
வீராட்டகாசமெனப்படும். வேறு+வேறு=வெவ்வேறு; இது, மருஉவில் அடங்கும்.
செப்படிவித்தை-மாயவித்தை: ஜாலம்:கண்கட்டிவிததை; செப்பிடுவித்தை
யென்றும் வழங்கும். வெவ்வேறவாக்கிஎன்றிருப்பின்நலம்.             (443)

வேறு

107.-அரக்கர் சேனை யொழியவே, பொழிற்காவலர்
குபேரனுக்கு நிகழ்ந்தமை மொழிதல்.

     (இ-ள்.) வய-வலிமையுடைய, அந்த படை அந்த இராக்கத சேனையும்,
அ ஆறு ஆதல்-அப்படியாயி எதை (எளிதில் அழிக்கப் பட்டதை), கண்டு -
பார்த்து, கந்தம் மலர் பொழில் காக்கும் காவலாளர்-வாசனையையுடைய
பூக்களையுடைய அச்சோலையைப் பாதுகாக்கின்ற காவற்காரர்கள்,-புத்தி
மயக்கு உற - (தங்கள்) அறிவுமயக்கத்தை யடைய, நொந்து-வருந்தி, முந்தி
ஓடி-விரைந்துசென்று, இயக்கர் பிரானுக்கு-யக்ஷர்களுக்கரசனான குபேரனுக்கு,
புகுந்த எல்லாம் மொழிந்தார்-நடந்த செய்திகளையெல்லாங் கூறினார்கள்;
(எ-று.)

     முந்தி ஓடி-ஒருவரினும் ஒருவர் முற்பட்டுச்சென்று. மயக்கு-முதனிலை
திரிந்த தொழிற்பெயர்.

     இதுமுதற் பதினெட்டுக்கவிகள்-பெரும்பாலும் முதலிரண்டுசீர்கள்
விளச்சீர்களும், மற்றவை மாச்சீர்களு மாகிய நெடிலடி நான்குகொண்ட
கலிநிலைத்துறைகள்.                                    (444)