(இ - ள்)பார் செய் பயன் அன்ன - நிலவுலகத்தார் செய்த நல்
வினைப்பயனைப்போன்ற,நிருபற்கு - யுதிஷ்டிரராசனுக்கு, இளவல் -
தம்பியான வீமன்,-வார் சிலைஒழிந்து - நீண்ட வில்லை(க்கையிற்
பிடித்தலை)நீங்கி, விறல் மன்னு வய வாகை போர் செய் கதை கொண்டு-
வெற்றி பொருந்தின வலிமையுடைய சயமாலையைச்சூடுதற்குரிய போரைச்
செய்யவல்ல (தனது) கதாயுதத்தைக் கையிலேந்திக்கொண்டு, எதிர் புகுந்து -
அச்சாரணர்களெதிரிலே போய், கார் செய் உரும் ஏறு உருமுடன் பார்மேல்
கனல்வதுஏ போல்-மேகம் இடிக்கின்றதொரு பேரிடி பல இடிகளுடன்
பூமியியே கோபித்துப் போர்செய்வதுபோல, பொரல் உற்றான்-
(அச்சாரணர்களோடு) போர் செய்யத் தொடங்கினான்;(எ-று.)        

    பார்செய்பயனன்ன என்றதை இளவலுக்குங் கூட்டலாம்.  தீயோரைக்
கடிந்து நல்லோரைக் காத்தல்செய்து சமயத்தில் மிக உதவுதல்பற்றி,
'பார்செய்பயனன்ன'என்றது.  இளவல்-இளமையையுடையவன்;அல் -
பெயர்விகுதி.  ஈற்றடி-இல்பொருளுவமை.                      (538)

     (இ-ள்.)தண்டினொடுதண்டு எதிர் தகர்ப்ப எழு பொறிஉம்-
(அப்போரில்) கதாயுதத்தோடு கதாயுதம் எதிரில்தாக்க அதனால்மேலெழுகிற
அனற்பொறிகளும், மண்டு முடியோடு முடி மன்ன எழு பொறிஉம்-(போரில்
ஒன்றோடொன்று)நெருங்கிய கிரீடத்தோடு கிரீடம் பொருந்த
(அவ்வுராய்தலால்) மேலெழுகிற அனற்பொறிகளும், திண் திறல் வயம்
பொருநர் செம் கண் உமிழ் பொறிஉம் - மிக்கவலிமையையும்
வெற்றியையுமுடைய போர்செய்யும்வீரர்களது (கோபத்தாற்)சிவந்த
கண்களினின்று சொரிகிற அனற்பொறிகளும், அண்டம் முழுதுஉம் பொதுளி
- அண்டகோளம் முழுவதிலும் (சென்று பரவி) நிறைந்து, அப்பால் - அதன்
பின்பு, மீது புகும் - அதற்கு மேலிடத்திலும் கிளர்ந்துசெல்லும்;(எ - று.)-
பொருநர்-பொரு - பகுதி, ந் - பெயரிடைநிலை.              (539)

     (இ - ள்.)வயம் போர் - வெற்றிக்குரிய போர்க்களத்திலே, மட்டு
அவிழ் அலங்கல் மறவோனுடன் - வாசனைவீசும்பூமாலையையுடைய
வலிமையையுடைய வீமனுடனே, தண்டு அமர் புரிந்து - கதாயுத்தத்தைச்
செய்து, தனுஉம் சிரம்உம் வேறு ஆ (க)-உடம்புந்