வகுத்து-ஒப்பற்ற சக்கர வியூகமாக அணிவகுத்து, எதிர் நின்றனன்- எதிரில்
(போருக்கு) நின்றான்; நின்னை அளிந்த - உன்னைப் பெற்ற, தராபதிதன்னைஉம் -
அருச்சுனராசனையும், நின்னைஉம்ஏ- உன்னையும் ஆக உங்களிரண்டுபேரையும்,
ஒழிய-தவிர, எடுத்து விலோடு- ஏந்திய வில்லுடனே, எதிர் சென்று-எதிரிற் போய்,
பிளந்திடவல்லவர் - (அந்தவியூகத்தை) சிதைத்திடவல்லவர், பின்னை யார்- வேறு
யாவர் உளர்? (எ - று.)

     'அபிமந்யு அருச்சுனன்  கிருஷ்ணன் (கிருஷ்ணனது குமாரனான)
பிரத்யும்நன்இந்நால்வரு மொழிய வேறு ஐந்தாமவனொருவன் பதும வியூகத்தைப்
பிளக்கவல்லானல்லன்' என்று வியாசபாரதங் கூறுகிறது. உடல் - விரைவில்
என்றுமாம்: இதனை 'வென்னிட்ட' என்றதனோடு கூட்டலுமாம். ஆல் -சுற்றுலா.
பி-ம்:-என்னை வளைத்திட.                                     (156)

     (இ-ள்.) 'புல்லுக - (என்னை வந்து) தழுவுவாயாக,' என்றனன்-என்று சொல்லி,-
அன்று துரோணனை வென்ற பெருந்தகை-  முந்தின நாளில் துரோணனைச் சயித்த
பெருமைக்குணமுடைய  தருமன், மார்பு உற அன்பொடு புல்லி - (அபிமனை)
மார்பிலே பொருந்தப் பிரீதியோடு அனைத்துக்கொண்டு, இமை பொழுதில் செல்லுக
என்றனன் - 'மிகவிரைவில் செல்லுவாயாக' என்றுங் கூறினவனாய், 'வன் சமரத்திடை
சென்று-கொடியபோரிற்போய், பகையை மிக கொல்லுக - பகைவர்களை மிகுதியாகக்
கொல்லுவாயாக,' என்றனன்-என்றுங்கூறி. 'நின்புயம்-உனது தோள்களில், மேவரு-
பொருந்திய, கொற்றவைதன் - துர்க்காதேவியின், அருளால்-, வெல்லுக- (பகை)
வெல்வாயாக,' என்றனன் - என்றுங் கூறினான்: (எ - று.)

     போருக்கு உரிய தேவதை துர்க்கையாதலாலும், அவளருளே வெற்றிக்குக்
காரண மாதலாலும், 'கொற்றவைதன்னருளால் வெல்லுக' என்றான். வீரம்
தோளின்திறமையா லுண்டாதலால், வீர மகளாகிய அவனைத் தோளின் மேல்
தங்குகிறவளாகக் கூறுதல் கவிசமயம். 'கொற்றவை' என்னும் பெயருக்கு -
வெற்றியைத் தருபவ ளென்று காரணப்பொருள் கூறலாம்.              (157)

வேறு.

20.-மூன்றுகவிகள்  - அபிமன் யுத்தசன்னத்தனாய்ச் சென்றமை கூறும்.