தினால் அவனை வெல்ல வல்லவர்-தமது அம்பினால் அத்துரோணனைச் சயிக்க
வல்லமையுடையவர், ஒரு வயவர்-ஒருவீரரும், தாரதலத்தின்மிசை இல்லை-
இந்நிலவுலகத்தில் இல்லை; இனி-, உள் உற-மனப்பூர்வமாக, சிரத்தினால்-(உனது)
தலையினால், அரனை அடி வணங்கி-சிவபிரானைத் திருவடிதொழுது, இடர் தீரும்
ஆறு-பிறவித்தன்பம் நீங்கும்படி, நனி சிந்தியாய் - மிகவும் தியானிப்பாயாக;
(எ - று.)

     இனி, வரத்தினால் - துரோணன்தான் அளித்த வரத்தினால்;
போர்த்தொடக்கத்திலே பாண்டவரை முன்னிட்டுக்கொண்டுவந்து தன்னைப்புகழ்ந்து
தன்னைக்கொல்லும் வகையைக் கூறுமாறு தன்னையேவேண்டிய கண்ணனுக்குத்
துரோணன் தானே சொல்லிக்கொடுத்த உபாயத்தின்படி யெனினுமாம்.      (661)

45.- வியாசன் உபதேசித்து மீள, சூரியன் அஸ்தரித்தல்.

     (இ-ள்.) 'உற்பவம் பொன்ற-பிறப்பு ஒழியும்படி, ஐம்  புலனை -ஐந்து
பொறிகளின் ஆசையையும், ஒன்ற-ஒருசேர, வென்று-சயித்து(அடங்கி), நீடு தவம்-
மிக்க தவத்தை, உரிமையின்-உரிய ஒழுக்கத்துடனே, புரிதி-செய்வாயாக', என்று-
,உறுதி கூறி - உறுதிமொழிசொல்லி (உபதேசித்து), அன்போடு புகுந்த தெய்வம்
முனி- அன்பொடுவந்த தெய்வத்தன்மையுள்ள வியாசமுனிவன், போதலும்-
சென்றவளவிலே,-என்றுஉம் இவர் செற்றதின்-எந்நாளிலும் இவர்கள்
அழித்தவளவினும், இன்று-இன்றைக்கு, சதமடங்கு-நூறுமடங்கு அதிகமாய், மன்ற-
நிச்சயமாக, செற்றனர்கள்-அழித்தார்கள், எனா-என்று எண்ணி, வெளி நிற்றல்
அஞ்சி-வெளியிலேநிற்பதற்குப் பயந்து, நின்ற என்றுஉம் நெடு நீலம்வேலையில்
மறைந்தது-(வானத்தில்) நின்ற சூரியமண்டலமும் பெரிய நீலநிறமுள்ள (மேல்)
கடலில்மறைந்திட்டது;(எ -று.)-ஏதுத்தற்குறிப்பேற்றவணி.           (662)

46.-இருநிறத்தவரும் படைவீட்டை யடைதல்.

     (இ-ள்.) இருள் பரந்தது-இருட்டுப் பரவிவிட்டது; இற்றை அமர் இனி
அமையும்-இன்றைத்தினத்துப்போர் இவ்வளவோடு போதும், என்று-என்று
நிச்சயித்து,துன்று கழல் இட்ட தாள் அருள் பரந்த விழி அறனின் மைந்தனொடு-
பொருந்தியவீரக்கழலையணிந்த பாதத்தையும் கருணை பெருகுகின்ற
கண்களையுமுடைய