201.	பரிதியன்பொடுவழங்கியபராபரமெனும் பெருவலம்புரிகுறித்துவிறலங்கர்பெருமான் வரிநெடுஞ்சிலைவலாரிதிருமைந்தன்விடுதிண் சரமடங்கவவர்தந்தசரமெய்துதறியா.

     (இ-ள்.) விறல் அங்கர் பெருமான்  - வலிமையையுடைய அங்கநாட்டார்க்கு
அரசனான கர்ணன், அன்பொடு-, பரிதி - சூரியன், வழங்கிய-(தனக்கு)
கொடுத்தருளின பராபரம் எனும்-பரார்பரமென்னும் பெயரையுடைய, பெருவலம்
புரி- பெரியவலம்புரிச்சங்கத்தை, குறித்து - ஊதி, வரி நெடு சிலை - கட்டமைந்த
பெரியவில்லையுடைய, வலாரி திரு மைந்தன் - இந்திரனது சிறந்த மகனான
அருச்சுனன்,விடு - (தன்மேல்) விடுகிற, திண் - வலிய சரம்  அடங்க - அம்புகளை
யெல்லாம்,அவர் தந்த சரம் எய்து - அச்சூரியன் கொடுத்த அம்புகளைப்
பிரயோகித்து, தறியா- துணித்து,- (எ- று,) "கதிர்க்கணைவிதங்கள் கொடு***தேர்
இயக்கமற்றிட ஒர்கூடமியற்றினன்" என மேற்கவியில் முடியும்.

     வலசாரி - பலாரி; பல அரி: பலன் என்னும் அசுரனை அழித்தவன் -பி-ம்:
அமர்தந்த.                                                      (292)

202.-கர்ணன் பலவகைகளாற் சரகூடமுண்டாக்க,
கிருஷ்ணனும் தன் மாயையால் சரகூட முண்டாக்கல்.

     (இ-ள்.) இவன்உம் - கர்ணனும், வய - வலிமையையுடைய, கதிர் -
ஒளியையுடைய, கணை விதங்கள் கொடு - அம்புகளின் வகைகளால், மாயன் விடு
தேர் - கண்ணன் செலுத்துகிற (அருச்சுனன்) தேர், இயக்கம் அற்றிட - செல்லுதல்
இல்லையாம்படி, ஒர் கூடம் - ஒருமறைவை. இயற்றினன் - உண்டாக்கினான்; நெடு
மால் - (திரிவிக்கிரமனாய்) நீண்ட கண்ணன், தியக்கம் உற்றிட - கலக்கமுண்டாம்
படி,மயக்கி - மயங்கப்பண்ணி, செய் - செய்த விரகால் - மாயையினால், உயக்கம்
மிக்க- வருத்தம் மிகுந்த, சர கூடம் - அம்புக்கூடு, அவண்உம் - அவ்விடத்திலும்
(கர்ணன்பக்கத்திலும்), உளது ஆயது-உண்டாயிற்று; (எ - று.) - சரகூடம் -
அம்புகளால் தொடுக்கும் பின்னற்செறிவு.                             (293)

வேறு.

203. - சரகூடத்தினுட்பட்ட கர்ணன் செயலற்று நிற்க,
அருச்சுனனும் அங்ஙன் நிற்கவே, கிருஷ்ணன் வினாதல்.