கூடாதென்று கர்ணனிடம் கூறினது, இது. தேற்றா னென்னும் பிறவினை, இங்குத்
தேறானென்னத் தன்வினைப்பொருள்பட்டு நின்றது.

     (இ-ள்.) இதயம்உம் - (குதிரைகளின்) மனத்தையும், வலிஉம் - வலிமையையும்,
தேயத்து இயற்கைஉம் - (அவை பிறந்த) நாடுகளின் தன்மையையும், வினைஉம் -
(அவற்றிற்கு ஏற்ற) தொழில்களையும், பற் பல் கதிகள் உம் - பலவகைப்பட்ட
நடைகளையும், உணர்ந்து - அறிந்து, பூணும் - பூட்டுதற்குரிய, கவனம் மா -
விரைந்தோடுதலையுடைய குதிரைகளை, தெரிந்து - ஆராய்ந்து, பூட்டி -(தேரில்)
அணைத்து,- எதிரி தன் விசயம் கூறல் - பகைவனது விசேஷஜயத்தைச்
சொல்லுதலும், இடிக்கும் நண்பு ஆதல் - (சொல்லவேண்டிய நன்மைகளை)
நெருக்கிச்சொல்லுகின்ற சிநேகிதனாதலும், வெம் போர் - கொடிய போர்த்
தொழிலுக்கு,முதிர் - சிறந்து, இடம் - இடத்தையும், காலம் - காலத்தையும்,
எண்ணல் -ஆலோசித்தலும், சூதர்க்கு - சாரதிகளுக்கு, முறைமை - கடமையாம்:
கண்டாய் -அறிவாய்; (எ -று.)- என்றது, அருச்சுனன் வெற்றியைச் சல்லியன்
சிறப்பித்துச்சொன்னதற்கு நீ கோபங்கொள்ளுதல் முறைமையன்றென்று
குறிப்பித்தபடி.                                              (143)

வேறு.

53.- இங்ஙன் துரியோதனன் பேசிநிற்கையில், பாண்டவர் பக்கத்தார்
தம்தேரைக் கர்ணன்நின்றவிடத்துச் செலுத்தல்.

     (இ - ள்.) என்ன - என்று, மன்னர் மன்னவன் - இராசராசனான
துரியோதனன், முகம் புகுந்து - எதிரிற் சென்று, இருவருக்கும்-, நல் உரை எடுத்து
உரைத்து - நல்ல வார்த்தைகளை எடுத்துச் சொல்லி, அ நிலத்திலே நிற்க - அந்த
இடத்திலே நின்று கொண்டிருக்க,- (அப்பொழுது), அறன்  மகன் படைக்கு அதிபன்
என்று - தருமபுத்திரனது சேனைக்குத் தலைவனென்று, முன் சொன்ன - முன்னே
சொல்லப்பட்ட, திண் திறல் - மிகுந்தவலிமையையுடைய, துருபதேயன்உம் -
துருபதராஜகுமாரனான திட்டத்துய்மனும், சோமக ஈசர் ஆய் உள்ள சூரர்உம் -
சோமககுலத்துக்குத் தலைவராயுள்ள வீரர்களும், கன்னன் நின்ற அ முனையில் -
கர்ணன் நின்ற அப்போர்களத்தினிடத்தில், நெஞ்சின்உம் கடுகு -
மனோவேகத்தைக்காட்டிலும் விரைந்துசெல்கிற, தங்கள் தேர் - தங்களது தேர்களை,
வல் விரைந்து - மிகவும் வேகமாக, கடவினார்கள் - செலுத்தினார்கள்;