77.- இருபக்கத்தும் பலர் மடிதல்.

     (இ - ள்.) உதையன் புதல்வன் - சூரியபுத்திரனான கர்ணனது, பெரூசேனை -
பெரிய சேனையில், உதிட்டிரன் - தருமனது, கை - கையினா லெய்யப்பட்ட, குதை
அம்பில் - கட்டமைந்த அம்புகளினால், வீழ்ந்தார் - இறந்துவிழுந்தவர்கள்,-
இனையோர்என - இத்தனைபேரென்று, கூறல் தேற்றார் - சொல்லுதற்கு
அறியப்பட்டார் [அளவிறந்தரென்றபடி]: இதையம் பழுது இல் - மனத்திற் சிறிதுங்
குற்றமில்லாத, இவன் - தருமனது, சேனை - சேனையில், அவன் கை அம்பால் -
அந்தக்கர்ணன் கையினால்தொடுத்த அம்புகளினால், உதையுண்டு - எய்யப்பட்டு,
வீழ்ந்தார் - இறந்து விழுந்தவர்களை, உரைத்தால் உம் - (கணக்கிட்டுச்)
சொல்லத்தொடங்கினாலும், உரைக்கல் - சொல்லுதல், ஆற்றா - முடியாது; (எ -று.)
                                                              (168)

78.- கர்ணனும் தருமனும் விற்போர்புரிதல்.

     (இ-ள்.) பொற்பு ஊசல் என்ன - அழகிய ஊஞ்சல்போல.இரு சேனைஉம் -
இரண்டுபக்கத்துச் சேனைகளும், போய்உம் - பின்னிட்டும், மீண்டு -
திரும்பிமுன்னிட்டு, மல்பூசல் செய்ய - வலிய  போரைச்  செய்யா நிற்க,- வில்லின்
வேதம் வல்லார் - தநுர்வேதத்தில் வல்லவராகிய, ஒளிசெய்யும் - (சேனைக்கு)
விளக்கத்தைச் செய்கிற, அ மன்னர் - கன்னனுந்தருமனும், முன் - விரைந்து
விடப்படுகிற, பூசல் - ஆரவாரத்தையுடைய, அம்பின் - அம்புகளினால், அண்டம்
முகடு - அண்ட கோளத்தின் மேல்முகடும், பிளந்து விள்ள - பிளவுபட்டு
வெடிக்கும் படி , தம்மில்- தமக்குள், வில் பூசல் - விற்போரை, எய்தி புரிந்தார் -
பொருந்திச் செய்தார்; (எ -று.)- பொற்பு - பொலிவு: உரிச்சொல்;
"பொற்பேபொலிவு".                                             (169)

79.- இருவர் போரையும் தேவரும் வாழ்த்துதல்.

     (இ-ள்.) (அவ்விருவீரர்களது), கொலை அம்பு - (பகைவரைக்)
கொல்லுதலையுடைய அம்புகள், மாளா - குறைதலில்லாத, மணி ஆவம்உம் -
அழகிய அம்புப்புட்டில்களையும், செம் கை - சிவந்த கையில், கொண்ட - பிடித்த,
சிலைஉம் - விற்களையும், கிரிகள்