52.- மங்கை  ஈன்றாளென்று கேட்டலும், மன்னவன், அக்குழந்தையைத்
தாயின்கைக்கு அகப்படாமைகொண்டு, அவளிடம் பணிந்துபேசுதல்.

     (இ-ள்.) 'மடந்தை - கங்காதேவியென்னும்பெண், மதலையை பயந்தனன் -
ஓராண்மகவை யீன்றாள்,' என்றலும் - என்று (பணியாளர் தன்னிடம்வந்து)
கூறியவுடனே, (சந்தனுமன்னவன்),- கதுமென சென்று- விரைந்துபோய் (பிறந்த
அக்குழந்தை), தாய் கை படாவகை-(பெற்ற) தாயின் கையில் அகப்படாதபடி,
இதம் உற- (அந்தக்குழந்தைக்கு) நன்மையுண்டாகுமாறு, பரிவுடன் - அன்போடு,
எடுத்து-, மற்றுஅவள் - மாறுபட்ட [பெற்ற குழந்தையைக் கங்கையில்
வீசிமாய்க்குங் குணமுடைய]அந்தத்தேவியின், பத யுகம் தாமரை - தாமரை
மலர்போன்ற உபயபாதங்களில்,பணிந்து - வணங்கி, பேசுவான் -
சொல்வானானான்; (எ - று.) - பேசுவதை மேலேகாண்க.

     தன்தேவியைத் தன்கருத்துக்கு இசைவிக்கவேணுமென்று எண்ணிப்
பேசுவதனால், மன்னவன் பேசும்போது, தன்தேவியின் பதயுகத்தாமரையிற்
பணிவானாயினான். குழந்தையைப் பெற்றவுடன் விரைவுடன்சென்று எடுத்தது,
முன்னைய குழந்தைகளைப் போலவே இந்தக் குழந்தையையும் கங்கையில்
எறியாமலிருக்கும் பொருட்டு.                                   (60)

53.-அந்தப்புதல்வனைக் கொன்றிடாதிருக்குமாறு
 மன்னவன் தேவியை வேண்டுதல்.

மூன்று கவிகள்- ஒருதொடர்

     (இ - ள்.) மரபினை - வமிசத்தை, நிலைபெறும்படி - (அழியாது)
நிலைபெற்றிருக்கும்படி, நிறுத்துக - நிற்கச்செய்வாய்: வெறுத்து எனை
முனியின்உம் -வெறுப்புக்கொண்டு என்மீதுகோபித்தாலும், இது வேண்டும் -
இச்செய்கை செய்தேதீரவேண்டும்: யான் மறுத்தனன் என -
(உன்மனப்போக்கின்படி செய்யமுடியாதவாறு)நான் தடுத்தேனென்று, மனம்
செயாது - மனத்திற் (கொடுமை) கொள்ளாது, இனி -இப்போது, பொறுத்து -
பொறுமைகொண்டு, இ புதல்வன்தன்னை - இந்தஆண்மகவை, அருள்புரிக -
கருணைசெய்க;

     கருணைபுரிகஎன்றது - ஆற்றுவெள்ளத்தில் வீசியெறிந்து மரித்திடச்
செய்யாமல்புதல்வனுக்கு உயிர்ப்பிச்சை தரவேணுமென்றுவேண்டியபடி.
இப்புதல்வனை அருள்புரிகஎன்று மன்னவன் வேண்டினானாயினும், நீ
உடன்படாவிடினும் நான் இம்முறைநதிப்புனலிலே ஈன்ற மகவை யெறிதற்கு
ஒருப்படேனென்ற தன்