னுடன் மஞ்சு ஆர்பொழில் விளையாடிடு மயில் சிறுஅடிகண்டான்-
தருமபுத்திரனுடனே மேகம்படிந்த [உயர்ந்த] சோலையில்விளையாடுகிற
மயில்போன்றதிரௌபதியினுடைய சிறிய பாதங்களை அங்குப் பார்த்தான்; (எ-று.)

     "நுதலடிநுசுப்பென மூவழிச் சிறுகி" என்றபடி மகளிர்க்குக் கால்சிறுத்திருத்தல்
உத்தமவிலக்கணம். மஞ்சார் பொழில் விளையாடிடு மயில் - அடையடுத்த
உவமையாகுபெயர்.                                               (635)

5.- அருச்சுனன் வேடர்களைவென்று நிரைமீட்டல்.

     (இ-ள்.) காணா - (தருமனுடன் திரௌபதியைக்)கண்டு, மெய் நடுங்கா-
(அந்தத்தோஷத்தால்) உடம்புநடுங்கி, ஒளிகருகா- முகத்தில் ஒளிகுன்றி, மனம்
மிகவும்நாணா- மனத்தில் மிகவும்வெட்கங் கொண்டு, சாயகம் நாண் வெம்சிலை
விரைவொடுகொள்ளா - அம்புகளையும் நாணியையுடைய கொடியவில்லையும்
விரைவாகஎடுத்துக் கொண்டு, சேண் ஆம் நெறி செல்லா - நெடுந்தூரமாகியவழியிற்
போய்,நனி சீறாஅமர்வெல்லா-மிக்ககோபங்கொண்டு போர்செய்து(வேடர்களை)
வென்று,மாண் ஆ நிரை மீளா - மாட்சிமைப்பட்ட பசுக்கூட்டங்களை மீட்டு, ஒர்
இமைபோதினில் வந்தான் - ஒருமாத்திரைப்பொழுதிலே மீண்டு வந்து சேர்ந்தான்;
(எ-று.)

     பசுக்களுக்கு மாட்சி- ஓமத்துக்கு வேண்டிய பால் தயிர் நெய் முதலியவற்றை
அளித்தல் முதலியன. மிகவும், உம்மை - சிறப்பு. ஸாயகம் - வடசொல்.
'விரைவொடுசாலையினாண்' என்றும் பாடம்.

     6.-அருச்சுனன் தீர்த்தயாத்திரைக்குத் தருமனிடம் விடைபெறுதல்.

     (இ-ள்.) தொறு கொண்டவர் உயிர்உம் - பசுக்கூட்டங்களைக் கவர்ந்து
கொண்டுசென்ற வேடர்களுடைய உயிரையும், தொறு நிரைஉம்-பசுக்கூட்டத்தையும்,
கவர்-கவர்ந்துகொண்டுவந்த,சூரன்- வீரனாகிய அருச்சுனன்,-மறுக்கம் படு
மறையோன் மனம் மகிழும் படி நல்கி - கலக்கமடைந்த அந்த முனிவனது மனம்
மகிழும்படி (பசுக்கூட்டத்தை அவனுக்குக்) கொடுத்து, (உடனே), பொறுக்கும் தவம்
முனி சொல் படி புனிதம் புனல்படிவான் - தாங்கியதவத்தை யுடைய நாரதமுனிவனது
சொல்லின்படி புண்ணியதீர்த்தங்களில் ஸ்நாநஞ் செய்தற்பொருட்டு [தான்
தீர்த்தயாத்திரை செல்லும்