னான்அன்னவன்பகழிக்குலங்களநேகமோகரமாகையா, லென்னவெஞ்சமமினிநமக்கெனவேறுதேருடனேகினான்.்

     (இ-ள்.) (பின்பு), கன்னன் என்று  உலகு எண்ணும் வீரன் உம்-கர்ணனென்று
பெயர்பெற்று உலகத்தாரால் (கௌரவமாக) எண்ணப்படுகிற பராக்கிரமசாலியும்
மொய்ம்புடன்-வலிமையோடு, பல கணைகள் - அநேக அம்புகளை, வான் மின்
ஒழுங்கு ஒரு கோடி என்ன,-ஆகாயத்திற்காணப்படும் மின்னலின் வரிசைகன்
மிகப்பல போல, நிறுத்தி-வில்லில் தொடுத்து, மெய்உற வீசினான்-(அபிமனது)
உடம்பிற்படும்படிபிரயோகித்தான்; (ஆயினும்), அன்னவன் பகழி குலங்கள்
அநேகம்மோகரம் ஆகையால் - அவ்வபிமனது அம்புக் கூட்டங்கள் மிக
உக்கிரமாயிருத்தலால்,-இனி நமக்கு வெம் சமம் என்ன என - 'இனிமேல் நமக்கு
(அவனோடு) கொடிய போர் செய்யும் ஆற்றல் யாது உள்ளது? என்று (கருதி), ஏறு
தேருடன் ஏகினான் - (நான்) ஏறிவந்த தேரொடு பின் சென்றான்; (எ - று.)

     ஒருகோடி - மிகப்பலவாகிய எண்ணிற்கு ஓன்று எடுத்துக் காட்டியவாறு. வில்
முதலிய ஆயுதங்கள் அழிந்தமை தோன்ற, 'ஏறுதேருடன் ஏகினான் என்றார், வேறு
எனப் பதம்பிரித்தல், மோனைத்தொடைக்குச் சிறவாது.                 (165)

28. கிருபனும் கிருதவர்மனும் எதிர்த்து, அபிமனுடைய
ஒருதொடுப்பிலே வெருவியோடுதல்.

     (இ-ள்.) கிருபன் மா முனி தான்உம் - சிறந்த கிருபாசாரியனும், மேதகு
கிருதவன் மன்உம்-மேன்மை பொருந்திய கிருதவர்மாவென்னும் யதுகுலத்தரசனும்,
ஓர் புறத்து-ஒரு பக்கத்தில், இருவர் ஆண்மை உம் நிலை பெறும்படி, சென்று-
(எதிர்த்துச்) சென்று, ஏவினால் தூவினர்- அம்புகளால் பொழிந்தார்கள் -
(அப்பொழுது), இவன் ஒருவன்ஏ - (எதிர்ப்பவன்) இவ்வபிமந்யு ஒருத்தனேதான்:
இவன் எடுத்ததுஉம் ஒரு சராசனம் - இவன் (கையில்) ஏந்தினதும் ஒரு வில்தான்;
(அங்ஙனம் இருந்தும்), அம்பிலே- (இவனது) அம்புகளாலே, (அவ்விரண்டு பேரும்),
தங்கள் ஒர் இரு  வில்உம் அற்று - தங்களது வில்லிரண்டும் அறுபட்டு, வெறு
கை-ஆயுதமில்லாத கைகளையுடையவராய், வெருவி ஓடினர்-அஞ்சிஓடிப்
போனார்கள்:(எ- று.)                                          (166)

29.-அபிமனால் சகுனியின் மகன் முதலோர் இறந்துவிழ,
மற்றையாவரும் நடுங்கி யோடுதல்.