இல்- (வேறு மனிதர் தேவர் முதலிய) யாவருள்ளும் இல்லை, என-என்று
சொல்லும்படி, வெல்ல வல்லது ஓர் தண்டினான் பகைவரைச்
சயிக்கவல்லமையையுடையதொரு (சத்துருகாதிநியென்னுங்) கதாயுதத்தையுடைய வீமன்,
மனக்கு நேர்வரு தேரினன்- (தன்) மனத்துக்கு ஒத்த தேரின்மேலேறினவனாய்,
பலமண்டலீகர்உம் -  அநேக சிற்றரசர்களும், மன்னர்உம்-அரசர்களும், சினம்
குழாம் உறு சேனைஉம் - கோபத்தையுடைய கூட்டமாகப்பொருந்திய சேனைகளும்,
புடைசூழ - பக்கங்களிற் சூழ்ந்துவரும்படி, அன்று - அப்பொழுது, எதிர்சொல்ல -
எதிர்த்துச்செல்ல,-(எ - று.)-'சக்கரமண்டலம் ஈயை ஒத்தது'என அடுத்த
கவியோடுமுடியும். தொழுதியாரினும் - குற்றயலிகரம்.                 (172)

35.-வீமன்செல்லச் சக்கரவியூகச்சேனை பொலிவிழந்து சிதறுதல்

     (இ-ள்.) மன் குலம் அடவியில் - பகையரசர்களது கூட்டமாகிய காட்டிலே,
தீயைஒத்து-(அதனை யெரித்து அழிக்கும்) நெருப்பைப் போன்று, விளங்கும் -
பிரகாசிக்கிற, மாருதி-வாயுபுத்திரனான வீமன்,-சாயை ஒத்து எழு சேனையோடு-
நிழலையொத்து (விடாதுகூடப்புறப்பட்டு) வருகிறசேனையுடனே, எதிர் தடவி -
எதிரிலே (வீரர்களைத்)தேடிக்கொண்டு, சென்று மண்டிய-போய் நெருங்கின, திசை
எலாம் - பக்கங்களிலெல்லாம். வகுத்த சக்கர மண்டலம்- (துரோணனாற்)
பகுத்தமைக்கப்பட்டுள்ள சக்கரவியூகம், மாயை ஒத்து ஒரு வடிவுஉம்
இன்றி-மாயையைப் போன்று ஒரு வடிவமுங் காணப்படாதபடி, ஈயை ஒத்தது -
ஈக்கூட்டம்போலச் சிதறிற்று: (சிதற), ஈறு இலா அரி ஏறு அனான் - அழிவில்லாத
ஆண்சிங்கத்தைப்போன்ற வீமன், கலுழன் ஒத்தனன் - கருடன்போன்று எதிரற்று
விளங்கினான்; (எ - று.)

    சிதறிய எதிரிகள் கூட்டத்துக்குப் பறவைகளுள் எளியதாகிய ஈயை
உவமைகூறியதற்குஏற்ப, அவற்றைச் சிதறடித்த வீமனுக்குப் பறவைகளுள்
வலியதாகிய கருடனைஉவமைக்கூறினார், 'ஈறிலா அரியேறு' என்றது, திருமாலின்
திருவவதாரமானநரசிங்கமூர்த்தியையுமாகும், மாயை - உள்ளதை இல்லாததாகவும்,
இல்லாததைஉள்ளதாகவும், ஒன்றை மற்றொன்றாகவும் அற்புதங்காட்டும் மந்திரசக்தி.
மண்டலம் -வட்டமாகத்திரண்ட படை.                         (173)

36. - கலிங்கர் முதலிய வீரர் வீமனோடு பொருதல்.

     (இ-ள்.) (அதுகண்டு), கலிங்கர் சோனகர் மகதர் கன்னடர் கங்கர் கொங்கணர்
கௌசலர் தெலுங்கர் ஆரியர் துளுவர் பப்பரர்