திருமால் கண்ணனாகத் திருவவதரித்தபொழுது திருமகள்
உருக்குமணிப்பிராட்டியாகத் தோன்றின ளென்று புராணங்கூறம், 'அந்திவண்ணன்'
என்று சிவபிரானுக்கு ஒரு திருநாமம். நந்தி - சிவனைச்சூழ்ந்து நிற்கிற அடியவர்
கூட்டமாகிய பிரமதகணங்களுக்குத்தலைவர்; திருவாயில்காப்பவரும், சிலசமயங்களில்
வாகனமுமாய் நிற்பவர்.

     முன்பு அச்சிட்டுள்ள பிரதியில் இங்கு, "செந்திருமடமயில்" (208) என்ற
இந்தப்பாடலுக்குப் பதிலாகக் காணப்படும் பாடல் வருமாறு:-

     ^* (1) செந்திருமடமயில்கேள்வன்சென்றுசெவ்
          வந்திவானிறத்தினனருள்செய்வாய்மையா
          னந்தியுள்விடுத்திடநரன்றனோடுதன்
          புந்தியின்மகிழ்ந்துமந்திரத்துட்போயினான்.

     (இ-ள்.) இளமையான மயில்போன்ற சாயலையுடையசெந்நிறமுள்ள
இலக்குமிக்குக் கணவனான கண்ணன், அருச்சுனனுடனே (அந்தக் கைலாசகிரியிற்)
சேர்ந்து, மாலைப்பொழுதிற் காணப்படுகிற செவ்வானம்போன்ற செந்நிறமுடைய
சிவபிரான் கருணையோடு கூறிய கட்டளைமொழியின்படி (அச்சிவபிரானது
வாயில்காவலராகிய) திருநந்திதேவர் உள்ளே அனுப்ப, (தனது) மனத்தில்
மகிழ்ச்சிகொண்டு, ஆலயத்தினுட் சென்றான்; (எ - று.)]              (346)

⁺209 - திருமாலை ஓராசனத்திருத்தி, அப்பிரானுடைய திருவவதாரம்
முதலியவற்றைக்குறித்துச் சிவபெருமான் வினாவுதல்.

     (இ -ள்.) ஆங்கு - அங்கே, ஐயனே - தலைவனா ஸ்ரீக்ருஷ்ணனை, பவளம்
மேனியான் - பவழம்போற் செந்நிறத்தவனான சிவபெருமான்,- ஓர் ஆசனத்து
இருத்தி - ஓராசனத்திலே வீற்றிருக்குமாறு செய்து, ஈங்கு - இங்கே
[இவ்வுலகத்திலே],இவன் பிறந்தது

     ^* இதுவும் இன்னும் 10 - பாடல்களும் இந்தச்சருக்கத்தில் 220 - ஆம்
பாடலுக்குள் முன்பு அச்சிட்டபிரதிகளில் மாத்திரம் உள்ளன. ஏட்டுப்பிரதிகளுள்
எதிலுமில்லை. இவை முறையே இலக்கமிட்டு இந்த [] இருதலைப்பகரத்தினுள்
பொழிப்புரை முதலியவற்றோடு காட்டப்படும். ஏட்டுப்பிரதியிலுள்ளனவே
இந்தப்பதிப்பிற் பிரதானமாகக் கொள்ளப்பட்டன.      

  ⁺ இதுமுதல் 220 - வரையிலுமுள்ள பாடல்கள் இங்குக்காட்டிய முறைப்படியே
ஏட்டுப்பிரதிகளிலெல்லாம் உள்ளன: அச்சிட்ட சங்கப்பிரதியிலும் உள்ளன. இவற்றுள்
212, 213 - இலக்கங்களிலுள்ள இரண்டுபாடல்கள்தவிர, மற்றவை மற்றை அச்சிட்ட