டடிகள்  அருச்சுன்னாற் பலர்பட்டமைகூறுங் கவிக்கூற்று பி - ம்: ராயன். ஆவி
யழிந்தவர்.                                                     (578)

182.- அசுவத்தாமனது போரும்,சூரியாஸ்தனமும்.

     (இ-ள்.) மீண்டுஉம் - பின்பும், அந்த முனைதனில் - அந்தப்
போர்க்களத்திலே, அந்தணன் தன் திரு மதலை - துரோணாசாரியனது சிறந்த
குமாரன் (அகவத்தாமன்), குந்திபோசன் மைந்தர் இருவரை - குந்திபோசராசன்
புத்திர ரிரண்டுபேரை, இரண்டு வடி கணையால் - கூரிய இரண்டு அம்புகளினால்,
மடிவித்தான் -  அழியச்செய்தான்; (அப்பொழுது), ஓர் ஆழி தேரோன்உம் -
ஒற்றைச்சக்கரமுள்ள தேரையுடையவனானசூரியனும்,-மாயோன்வல் கை செம்
திகிரிதனில் அடங்கி முடங்கிய தன் கிரணத்தின் சிறுமை நாணி - கண்ணபிரானது
வலிய திருக்கையிலுள்ள சிவந்தசக்கரத்தினுள் அடங்கி மறைந்த தனது ஒளிகளின்
எளிமையைக் குறித்து வெட்கப்பட்டு, உந்து திரை சிந்துவினில் ஒளித்திட்டான் -
வீசுகின்ற அலைகளையுடைய கடலிலே மறைந்திட்டான்; (எ - று.)

     குந்திபோசன்-குந்தியின்வளர்த்த தந்தை, சூரியன் அஸ்தமித்தல் மேல்கடலில்
மூழ்கிமறைதல்போலத்தோன்றுகிற இயல்பினிடத்து, தன்கிரணம்
கண்ணன்கைச்சக்கரத்தினுள் அகப்பட்டு மறைபட்ட அவமானத்துக்கு வெள்கிக்
கடலிலொளித்தானென்று கவி தானாக ஒரு காரணங்கற்பித்துக் கூறினமையால்,
ஏதுத்தற்குறிப்பேற்றவணி. பி-ம்: வண்கை.                         (579)

இனி, இராத்திரியுத்தம்.

வேறு.

183.-துரியோதனன் இரவிலும் போர்செய்யத் தொடங்குதல்.

     (இ-ள்.) நெருங்கு குன்று அசையின்உம் - ஒன்றோடொன்று நெருங்கிய
மலைகள் சலித்தாலும், புடவி அசையின்உம்-பூமி சலித்தாலும், சமரில் அசைவு
இலாத - போரில் (தான்) சலித்தலில்லாத, தனி ஆண்மையான்-ஒப்பற்ற
பராக்கிரமமுள்ளவனான துரியோதனன்,-இசையின்உம் பெருக நன்று என தனது
இயற்கையால் மிக வளர்த்திடும் வசையின்உம் கரிய இருள் பரந்தஉழி-