மின்னிறுத்துநெடுவாளி விசயனையுங்குமரனையு முன்னிறுத்திநடுநின்றான்முரசநிறுத்தியகொடியோன்

     (இ-ள்.) முரசம்- பேரிகையின் வடிவத்தை, நிறுத்திய - எழுதிப்பதித்த,
கொடியோன் - துவசத்தையுடைய தருமன்,- மாருதியை - வீமனை, பின் நிறுத்தி -
(தனது) பின்புறத்திலே நிற்கச் செய்து, போர் அணியில் - பெரிய அணிவகுப்பிலே,
(ஆங்காங்கு), பல வகை ஆம் மன் நிறுத்தி - பலவகைப்பட்ட அரசர்களை நிற்கச்
செய்து, இரு பால்உம் - இரண்டு பக்கங்களிலும், மருத்துவர் மைந்தரை நிறுத்தி -
அசுவிநீதேவர்களின் குமாரர்களான நகுலசகதேவர்களை நிற்கச்செய்து, மின்
நிறுத்தும் - ஒளியை (த்தன்னிடம்) நிலைநிறுத்திய [நீங்காமற்கொண்ட], நெடு
வாளி -நீண்ட அம்புகளையுடைய, விசயனைஉம் குமரனைஉம் -அருச்சுனனையும்
(அவன்)மகனான அபிமனையும்,  முன் நிறுத்தி-, நடு நின்றான் - (தான்) நடுவில்
நின்றான்;(எ-று.)                                                (49)

5.- துரியோதனன்பக்கத்துச்சேனை கருடவியூகமாக வகுக்கப்படுதல்

     (இ -ள்.) இ பால் - இவ்விடத்து, இவர் - இவர்கள், நிற்ப - (இவ்வாறு) நிற்க,
அ பால் - எதிர்ப்பக்கத்தில், இரவு உரைத்த மொழி படிஏ - இராத்திரி சொன்ன
வார்த்தையின்படியே, தப்பாமல் - தவறாமல், திகத்தகுலம் தலைவன்உம்-
திரிகர்த்ததேசத்து அரசர்கூட்டத்துக்குத் தலைவனான சுசர்மாவும்,  சஞ்சத்ததகர்உம்
- ஸம்சப்தகர்களும், கதுப்புஆர் - வலிமைநிறைந்த, வெம்சிலை - கொடிய வில்லை
யேந்திய, தட கை -  பெரியகைகளையுடைய, துரோணன் முதல் அனைவோர்உம் -
துரோணன் முதலிய  எல்லாவீரர்களும், வந்து-, அணி கருட வியூகம் வகுத்து
அணிந்தார் - சேனையை அழகிய கருடவியூகமாக அணிவகுத்துநின்றார்கள்;
(எ -று.)

     கருட வியூகம் - கருடன்வடிவமாகச் செய்யும் படைவகுப்பு ; இதுவும்
கீழ்ச்சருக்கத்தில் கூறிய சகடவியூகமும், போகமென்னும் வியூகத்தின் பேதங்களிற்
சேர்ந்தன. முதனூலிலும் கருடவியூகம் வகுத்தாகவே யுள்ளது. மற்று- அசை;
வினைமாற்றுமாம். பி-ம்; மகரவியூகம்.                             (50)

6.- திரிகர்த்தபதி முதலியோர் அருச்சுனனை யறைகூவிப்பொருதல்.

     (இ -ள்.) கார் அணி போல் - மேகங்களின் வரிசை போன்ற, களிறு அணிஉம்
- யானைகளின் வரிசையும், பொருப்பு அணிபோல் - மலைகளின் வரிசைபோன்ற,
தேர் அணிஉம்- தேர்களின் வரிசையும்,