கூற்றம் என எதிர் சென்று-யமன்போல எதிரிலே சென்று, முனிவன் மைந்தன்
கொடுங்க கணையை மதியாமல்-துரோணபுத்திரனான அசுவத்தாமனது கொடிய
அந்த அஸ்திரத்தை லக்ஷ்யஞ்செய்யாமல், கடுங்கண் ஆளன்-அஞ்சாத
வலிமையுடையவனாய், வேறு உருமம் கொடு கனலி முதல் ஆ உள்ள
விண்ணவர்தம் பகழிகள் ஆய்மேல் மேல் வந்த மாற்று அரிய பகழிகளை -
வெவ்வேறுவடிவங்கொண்டு அக்கினி முதலாகவுள்ள தேவர்களது அஸ்திரங்களாய்ப்
பரிணமித்து மேன்மேல் வந்த விலக்குதற்கரிய அம்புகளை, ஓன்றுக்கு ஒன்று மாறு
ஆன பகழிகளால் - (அவற்றில்) ஒவ்வொன்றுக்கும் பகையான எதிரம்புகளினால்,
மாற்றினான் - விலக்கினான்; (எ - று.)-மாற்றுதல்-தடுத்தல்.              (656)

40.-நாராயணாஸ்திரம்வீமனாற்பலவாறு தடுக்கப்படுதல்.

மூச்சினாலடியுண்டுங்கடுங்கட்கோபமுதுகனலாலெரியுண்டு                               முனைகொள்வாளி யோச்சினாலொடியுண்டுங்குனித்தவிற்காலுதையினாலுதையுண்டு                                 நெடுநாணோசை வீச்சினாலறையுண்டுங்கடகவாகுவெற்பினாலிடியுண்டும்                                  வெகுளிகூரும் பேச்சினால்வெருவுண்டும்படாததுண்டோபேரனிலன்மகனாலப்                                பெருமன்வாளி.

     (இ-ள்.) மூச்சினால்-(வீமசேனனது) மூச்சுக்காற்றினால், அடியுண்டுஉம்-
அடிபட்டும்,-கடுங் கண் கோபம் முது கனலால் - பயங்கரமான
அவன்கண்களினின்று வெளிப்பட்ட முதிர்த்த கோபாக்கினியினால்,
எரியுண்டுஉம் -எரிபட்டும்,-முனை கொள் வாளி ஓச்சினால் - கூர்மையைக்
கொண்ட அம்பின்பிரயோகத்தால், ஒடியுண்டுஉம்-ஒடிபட்டும்,-குனிந்த வில்கால்
உதையினால்-வளைத்தவிற்கழுந்தின் மோதுதலால், உதையுண்டுஉம்-தாக்கப்
பட்டும்,- நெடு நாண் ஓசைவீச்சினால்-நீண்ட நாணியின்ஓசையினது வேகத்தால்,
அறையுண்டுஉம்-அடிபட்டும்,-கடகம் வாகு வெற்பினால்- கடகமென்னும் வளையை
யணிந்ததோள்களாகியமலைகளினால், இடியுண்டுஉம்-இடிக்கப்பட்டும்,-வெகுளி கூரும்
பேச்சினால்-கோபம் மிக்க வீரவார்த்தையால், வெருவுண்டுஉம்- அச்சங்கொண்டும்,-
பேர் அனிலன்மகனால் - பெரிய வாயுபுத்திரனான அவ்வீமனால், அ பெருமன்
வாளி - அந்தநாரயணாஸ்திரம், படாதது உண்டுஓ - படாதபாடு உண்டோ?
(எ -று.)-இங்ஙன் அந்த அஸ்திரம்பட்டது திருமாலின் அருளினாலென்க.(657)

41.- கண்ணன் வீமனையும் அந்த அஸ்திரத்துக்குத் தப்புவித்தல்.

     (இ-ள்.) தாள் வலியால் - முயற்சியின் வலிமையினால், எனைபல பல்வினை
செய்தால்உம்-எத்துணைப் பலபலவாகிய தொழில்களை எதிராகச்செய்தாலும், தப்ப
ஒணா - தப்பமுடியாத, விதி