இன்றி - (மீண்டும்ஏறிப்போர்செய்தற்கு) வேறொருதேரும் இல்லாமல், பல் நூறு
தேர்தனை புரக்க - பலநூறுதேர்வீரர்கள் (தன்னைப்) பாதுகாக்க, நொய்தினில் -
விரைவில், கழற்றினான்- (தன்னை) அச்சேனையினின்று) நீக்கிக்கொண்டான்;
( எ -று.)

     போரினின்று விலகுதற்றொழிலைக் செய்வதற்கே வருத்தப்பட வேண்டியதாயிற்
றென்ற பொருள் தோன்ற, 'கழற்றினான்' எனப் பிறவினையாற் கூறினார்; இனி
தன்வினைப்பொருளைப் பிறவினைச் சொல்லாற் குறித்தாருமாம். இனி இதனை,
கழறினான் என்றதன் விரித்த லெனக்கொண்டு, அநேகநூறுதேர்வீரர் தன்னைப்
பாதுகாக்கும்படி தந்திரமாகச்சொன்னான் என்று உரைப்பாரு முளர். விற்குஉடைந்து,
நான்கனுருபு - பகைப்பொருளின்பாற்படும். பி - ம் : தேருமேறிநின்று.       (88)

44.-அதுகண்ட பகதத்தன் தருமன் சேனையை எதிர்க்கவருதல்.

     (இ-ள்.) முனியும்- கோபங்கொண்ட, யானை தேரின் முடுகி வந்த-
யானைகளின்மேலும் தேர்களில்மேலும் விரைவாகவந்த, ஏனை நிருபர்உம் -
(துரியோதனன் முதலிய) மற்றையரசர்களெல்லோரும், குனி சிலை கை -
வளைந்தவில்லைப்பிடித்த கையையுடைய, அபிமன்- அபிமந்யுவினது, வெம்
கணைக்கு - கொடிய அம்புகளுக்கு, வென் கொடுக்கஏ - முதுகுகொடுக்கவே,-
(அச்சமயத்தில்), தனிதம் மிக்க - இடிமிகுந்த, சலதம் - மேகத்தை, அனன -
ஒத்த,சதமகன் சகாயன்- இந்திரனது துணைவனான பகதத்தன், இனி நமக்கு நல்ல
காலம்என்று - (போர்வலிமைகாட்டற்கு) இப்பொழுது நமக்கு நலல சமயமென்று,
சீறிஎய்தினான் - கோபங்கொண்டு எதிர்த்து வந்தான்; (எ-று.)

     சிறந்தபோர் எப்பொழுதுநேருமோ என்று சமயத்தை எதிர்பார்த்திருக்குஞ்
சுத்தவீர னாதலால், 'இனி நமக்கு நல்ல காலம்' என்றான். இவன் வருகிற
ஆரவாரத்துக்கு 'தனிதமிக்கசலதம்' என உவமைகூறினார், முனியும்-
எதிர்காலப்பெயரெச்சம்; இதற்கு - துரோணனும் என்று பொருள் கூறுதல்,
இவ்விடத்துக்குப்பொருந்தாது. பகதத்தனைச் சதமகன் சகாயனென்ற விவரம்,
நான்காம் போர்ச்சருக்கத்துக் கூறப்பட்டது.                        (89)

வேறு.

45.- மூன்றுகவிகள் - பகதத்தன்வருஞ் சிறப்புக் கூறும்.