யசோதையின்மகனாய் வளர்ந்தருளிய கண்ணனது தன்மை கூறப்பட்டதனால்,
சூரியபுத்திரனாய்க் குந்திவயிற்றிலுதித்துத் தேர்ப்பாகன்மனையில் ராதைமகனாய்க்
வளர்ந்த கன்னனது போரைக் கூறுகின்ற இப்பருவத்துக்கு இக்காப்புச்செய்யுள்
மிகப்பொருந்துமாறு உய்த்துணர்க. பி - ம்: ஏதிலனாகியும்

     இதுமுதற் பதினொருகவிகள் - பெரும்பாலும் முதல்நான்குசீர் விளச்சீர்களும்,
ஐந்துஆறாஞ் சீர்கள் மாச்சீர்களும், ஈற்றுச் சீரொன்று மாங்காய்ச்சீருமாகிய
கழிநெடிலடிநான்கு கொண்ட எழுசீராசிரியவிருத்தங்கள்.                (1)

2.- துரியோதனன் கர்ணனைச் சேனாபதியாக்கிப் போர்க்களஞ் சேர்தல்.

     (இ-ள்.) நஞ்சு உமிழும் - விஷத்தைக் கக்குகின்ற, வேகம் - சில
மிகுதியுள்ள,நாகம் - சர்ப்பத்தின் வடிவத்தை யெழுதிய, கொடி - துவசத்தையுடைய,
விறலோன்- வலிமையையுடையவனான துரியோதனன்,- 'கங்கை மகன் -
கங்கையின்புத்திரனாகிய பீஷ்மனும், சிலையின் குரு - வில்லாசிரியனாகிய
துரோணனும்,என்பவர் - என்று சிறப்பித்துச்சொல்லப்படுகின்ற வீரர்கள், காதி
மலைந்துஏ -(தம்மால் ஆனமட்டும் பகைவரைக்) கொன்று போர்செய்தே,
கையற்றார் -செயலொழிந்து அழிந்தனர்; இனி - இனிமேல், இங்கு -இப்போரில்,
வெல்லவல்லோர் - (பகைவரைச்) சயிக்க வல்லவர், என் உயிர் நண்பனை
அல்லது -எனது உயிரோடொத்த சிநேகிதனாகிய கர்ணனையேயல்லாமல், இலர் -
(வேறுஎவரும்) இல்லை,' என்றுஏ - என்று துணிந்தே,- அங்கர் பிரானை -
அங்கதேசத்தார்க்கு அரசனாகிய கர்ணனை, வரூதினியின் பதி ஆக என்று -
'சேனைக்குத் தலைவனாகுக'' என்று, அருள் செய்து - அருளோடு சொல்லி,-
அவனோடு உம் - அக்கர்ணனுடனே,- வெம் களம் - கொடிய போர்க்களத்தை
உற்றனன் - அடைந்தான் ; (எ -று.)

     பீஷ்மதுரோணாதியர் தொலைந்தபின்பும் போர்செய்யுந்துணிவு சிறிதும்
ஒழிந்தில னாதலால், 'விறலோன்' என்றார்.                       (2)

3.- பாண்டவர் போர்க்களஞ் சேர்தல்.

     (இ-ள்.) சொல் தவறாத - வார்த்தைதப்பாத, துரோணனை - துரோணா
சார்யனை,மௌலி துணித்த - தலையறுத்திட்ட, திட்டத்