மிக்க உயர்ச்சி பெற, எழு முழம் உடையது - ஏழுமுழம் உயரமுடையது;
தெவ்வர்அஞ்சும் - பகைவர்கள் (கண்டு) அஞ்சும்படியான, அ வேழம் - அந்த
(வீமனேறிய)யானை; (எ -று.)-தொழில்நான்கு- நடனம், துரிதகதி, மந்தகதி, ஓட்டம்
என்பன. பி -ம்: நிரந்த. நீணடை முதலிய தொழில்களி யாவு நிரம்பி, சேணுயர்
பேரளவுடையதிறத்தது.                                         (10)

11.- மூன்றுகவிகள் - வீமனும் கேமதூர்த்தியும்
யானைமீதிருந்து பொருதலைக் கூறும்.

     (இ-ள்.) ஆசு இல் - குற்றம் இல்லாத, அருந் திறல் - அருமையான
வலிமையையுடைய, ஆசுகன் மைந்தன்உம் - வாயுகுமாரனான வீமனும்,
ஆண்மைக்கு எண்ணும் - பராக்கிரமத்தில் மதிக்கப்படுகின்ற, அடல் வீரன் -
வலியவீரத்தன்மையுடையவனாகிய, காசிநரேசன்உம் - காசீநகரத்தரசனான
கேமதூர்த்தியும்,- ஏழ் உயர் வெம் மதம் மாரி சிந்தும் கரி மேலோர் - ஏழுமுழம்
உயர்ந்ததும் வெவ்விய மதநீர்மழையைச் சொரிகின்றதுமான (தம்தம்)
யானையின்மேலேறியவர்களாய்,- தூசியின் - முற்சேனையிலே, முந்த - முன்னே,
முனைந்து - விரைந்துசென்று, இருதோல்உம் தோல்உம் - (தங்கள்)
யானைகளிரண்டும், முனைந்து - கோபங்கொண்டு, போர் வெய்ய-
(ஒன்றோடொன்று) யுத்தஞ்செய்யாநிற்க,- வாசவர் ஓர் இருவோர் - இரண்டு
இந்திரர்,இரு கார்மிசை- (தம்வாகனமாகிய) மேகம் இரண்டன்மேல் (ஏறிக்கொண்டு),
மலைவதுஎன்ன - (தம்மிற்) போர் செய்துபோல, மலைவு உற்றார்-
(ஒருவரோடொருவர்),போர்செய்யத் தொடங்கினர்; (எ-று.)

     இந்திரர் - வீமசேனனுக்கும் கேமதூர்த்திக்கும், இந்திரனுக்கு வாகனமாகிய
மேகம் - அவரேறிய கரியயானைக்கும் உவமை. வாசவரிருவர் தம்மில்மலைதல்,
இல்பொருளுவமை. திறலுக்கு ஆசு - தோல்வி. ஏழ் - ஏழுமுழத்துக்கு
எண்ணலளவையாகுபேயர். பி -ம்: ஏழுயரேழ் மதமாரி.              (11)

வேறு.

     (இ - ள்.) (அவ்விருவரும்),- அங்குசம் - மாவெட்டியும், வார்த்தை -
வாய்ச்சொல்லும், வல் தாள் - வலிய கால்வைப்புக்களும் (ஆகிய இவற்றால்),
அடைவினில் பயிற்றி - முறைப்படி பழக்கி,- ஏனை - பின்னும், வெம் கதி -
துரிதமானநடையையும், நடையோடு -