வேறு.

63.- இதுவும் மேலைக்கவியும் - ஒருதொடர்: விடசேனன் சாத்தகியோடு
பொருது தேர்முதலியன இழந்தமை கூறும்.

     (இ - ள்.) அங்கர் குல நர பாலன்உம் - அங்கதேசத்திலுள்ளார்
கூட்டத்துக்குத் தலைவனான கர்ணனும், வாழ்வு உடை அங்கர்கள் உம் -
வாழ்தலையுடைய அவ்வங்கதேசத்துவீரர்களும், முனை - போர்க்களத்தில்,
சாய்தர -வலியழியும்படி, ஊழியின் மங்குல் நிகர் - யுகாந்த காலத்து
(விடாப்பெருமழைபொழிகின்ற) மேகம்போன்ற, பல கோல் விடு - பல அம்புகளை
விடுகின்ற, வீமனும் -, மைந்தர் அனைவர்உம் - வீரர்களெல்லோரும், மாறு
அடுகாலையில் - பகைவர்களை அழிக்கின்ற பொழுதில்,- யாரின்உம் விஞ்சு
திறல் -எல்லோரினும் மிக்க பராக்கிரமத்தையுடைய, விடசேனன் எனா வரு -
விருஷசேனனென்னும் பேர்பெற்றுவந்த, செம்கணவன் - (கோபத்தாற்) சிவந்த
கண்களையுடைய வீரன், வசுதேவன் முன் நாள் அருள் - வசுதேவர் முன்னே
பெற்ற, சிங்க அரசு - சிறந்த சிங்கம்போன்ற கண்ணனது, இளையானொடு -
தம்பியாகிய சாத்தகியுடனே, வெம் கை - கொடிய கையிற்பிடித்த, வரி சிலை -
கட்டமைந்த வில், கால் பொர - கோடிகள் வளைய (வளைத்து), சீறி -
கோபித்து,-(எ - று.)-'சீறி' என்பது, மேற்கவியில். "ஏவலும்" என முடியும்.

     அங்கர்கள் என்பதற்கு - சதுரங்கசேனாவீரரென்றும் பொருள் கொள்ளலாம்.
மைந்தர் அனைவர் - பாண்டவர் மக்களாகிய பிரதிவிந்தியன் சுருதசேனன்
சுருதகீர்த்தி புண்டலன் செபசனன் என்பரெல்லாருமாம்.

     இதுமுதல் ஆறுகவிகள் - பெரும்பாலும் முதல் ஐந்தாஞ்சீர்கள்
தேமாச்சீர்களும், இரண்டு ஆறாஞ்சீர்கள் கருவிளச்சீர்களும், மற்றைநான்குங்
கூவிளச்சீர்களுமாகிய எண்சீராசிரியச்சந்தவிருத்தங்கள். ' தந்த தனதன தானன
தானன தந்த தனதன தானன தானன' என்பது இவற்றின் சந்தக்குழிப்பாம்.   (154)

     (இ - ள்.) திண் சிலையின் - வலிய வில்லிலேற்றிய, நெடு நாண்
ஒலியோடு -நீண்ட நாணியின் ஒலியுடன், அணி சிஞ்சிதம்உம் - அழகிய
ஆபரணங்களின்ஒலியும், எழ - உண்டாம்படி, மால்இளையோன் - கிருஷ்ணன்
தம்பியானசாத்தகியினது, இணை - (ஒன்றோடொன்று)