காரரைக்கொண்டு விஷங்கொடுத்து உண்பித்து அதனால் மயங்கிய
அவனைக்கட்டிக் கங்கையிற் போகட, அவன் பாதாளஞ்சேர்ந்து நாகங்களின்
உதவியாற் பிழைத்து மீண்டமையும் ஆகிய இளம்பிராயத்துச்செய்திகளைக்
கருதிக் கழிவிரக்கங்கொண்டு, துரியோதனன், 'ஆற்றினீர்விளையாடிய
நாள்முதல்,காற்றின்மைந்தனொ டெத்தனை கன்றினேன்' என்றான். (228) | 25. | பணை நெடுங்கைப்பகட்டுவெஞ் சேனைசூழ்
இணை தருஞ்சொற்கிளைஞர்கள் யாரையுந்
துணைவர் யாரையுந்தோற்று நின்றேனெனக்கு
இணையர் பார்மிசையாருள ரெண்ணிலே. |
(இ -ள்.) பணை - பருத்த, நெடு - நீண்ட, கை -
துதிக்கையையுடைய,பகடு - ஆண்யானைகளையுடைய, வெம் - கொடிய,
சேனை - சேனைகள்,சூழ் - சூழப்பட்ட, இணைதரும் சொல் - பொருந்திய
புகழையுடைய,கிளைஞர்கள் யாரையும் - உறவினர்களெல்லோரையும்,
துணைவர் யாரையும் -நண்பர்களெல்லோரையும், தோற்று நின்றேன் -
(போரில்) இழந்து நின்றேன்,(யான்); எண்ணில் - ஆலோசிக்குமிடத்து,
பார்மிசை - பூமியில், எனக்குஇணையர் யார் உளர் - எனக்கு ஒப்பானவர்
எவர் இருக்கின்றார்?[யாருமில்லை]; (எ - று.) பகடு -யானையின் ஆண்பாற்பெயர். இணைதரும், தா - துணை
வினை. சொல் - புகழாதலை "சொன்மாண்பமைந்த குழு" எனச்
சிந்தாமணியிலுங் காண்க. இனி, 'இணைதருஞ்சொல்' என்பதற்கு - எனக்கு
அனுகூலமாக இணங்கிப்பேசும் பேச்சையுடையஎன்றும் உரைக்கலாம்;
'கிணைதருஞ்சொல்' என்ற பாடத்துக்கு - முரசவாத்தியத்தின் ஒலியை
யொத்துக் கம்பீரமாக ஒலிக்கிற சொற்களையுடைய என்க. துணைவர் -
தம்பிமாருமாம். (229) 26.-துரியோதனன்அசுவத்தாமனுக்கு விடைகொடுத்து
அனுப்புதல். என்றுபன்மொழிகூறியிம்மைந்தரைக்
கொன்றுவந்தகுமரனைப்போர்தொறும்
நின்றதீவினைநீங்கிடநீதவம்
ஒன்றிவாழ்கென்றுயர்விடைநல்கினான். |
(இ -ள்.) என்று பல்மொழி கூறி - என்று இவ்வாறு பல
வார்த்தைகளைச் சொல்லி, இ மைந்தரை கொன்று வந்த குமரனை -
இப்பிள்ளைகளை [உப பாண்டவரை] வதைத்துவந்த துரோணகுமாரனான
அசவத்தாமனை, (நோக்கி), 'போர் தொறும் நின்ற தீவினை நீங்கிட -
போர்களில் நின்றதனாலாகிய பாவம் நீங்கும்படி, நீ தவம் ஒன்றி வாழ்க -
நீதவத்திற்பொருந்தி வாழ்வாயாக,' என்று - என்று சொல்லி, உயர் விடை
நல்கினான் - சிறந்த அனுமதியை (அவனுக்குக்) கொடுத்து அனுப்பினான்;
(எ -று.) அரசர்க்குப்போல அந்தணர்க்குப் படைக்கல மேந்திப் போர்செய்தலும்,
அதில் பற்பலரையழித்தலும் சாதிதருமமல்லவாதலால் |