(இ - ள்.) செழுந்தாது மலர்கொய்து - செழித்த பூந்தாது பொருந்திய மலர்களைக்
கொய்தமையாலே, மெல்விரல் சிவந்த என்பார் - தம் மெல்லிய விரல்கள் சிவந்தன
என்பாரும், விழும் மலர்துகள் வந்து ஊன்ற - விழுகின்ற மலர்களின் பூந்தாதுகள் வந்து
உறுத்துதலாலே, மெல் அடி - எம் மெல்லிய அடிகள், மெலிந்த என்பார் - வருந்தின
என்பாரும், கொழுமலர்ப்பிணையல் தாங்கி - கொழுவிய மலர் மாலையைச்
சுமந்தமையாலே, கொடியிடை ஒசிந்த தென்பார் - எம்கொடி போன்ற நுசுப்பு
வருந்திற்றென்பாரும், எழுமலர்த்து அனைய தோளான் - தூணைத் திரட்டியதனைய
தோளையுடைய திவிட்டனின், தேவியர் - மனைவிமார்கள், இனையர் ஆனார் -
இத்தன்மையினர் ஆயினர், (எ - று.)

     “அனிச்சமும் அன்னத்தின் தூவியும் மாத
     ரடிக்கு நெருஞ்சிப் பழம்“ (திருக் - செய் - 1120.)

     மலர் கொய்து மெல்விரல் சிவந்தன என்பாரும், பூந்துகள் உறுத்தி மெல்லடி மெலிந்த
என்பாரும், பிணையல் தாங்கி இடைஒசிந்த என்பாரும், நம்பியின் தேவியர்
இத்தகையராயினர் என்க. இது தேவியரின் மென்மை கூறிற்று.