ஆதும் - உதவியாதும் உலகம் - ஈண்டுச் சான்றோரைக் குறித்தது; உலகம் என்பது
உயர்ந்தோர் மேற்றே என்பதோத்தாகலின். கூடின்று - கூடிற்று. திலகம் - ஒருவகை மரம்;
‘திலகமும் வகுளமும்‘ (மணிமேகலை). வந்தார்க்கும் என்புழி உம்மை இசைநிறை. அசோகம்
என்னும் வடசொல் சோகமின்மை என்னும் பொருட்டு.

     தம் பெயர்க் கேற்பவே, அசோகங்கள் தம் நிழலில் அடிக்களைத்து வந்த தேவியரின்
களைப்பொழித்த என்பார் அசோகம் அசோகம் ஈந்த என்றார். திலகம் - ஒரு மரம் நெற்றிப்
பொட்டிற்கும் திலகம் என்று பெயராகலின் திலகமரம் தம்பூந்துகளாலே அம்மகளிர்க்குத்
திலகமிட்டன என்பார் திலகம் திலகமாய்ச் சேர்ந்தன என்றார்.

     இவற்றைக் கண்ட மாமரம் தம்மாலாய உதவி செய்வேம் என்று தம் தழையாலே
அவர்க்கு நிழல் தந்தன. மா - பெருமை என்னும் பொருட்டாகலின் தன்பால் வந்தார்க்குதவி
செய்தல் பெருமையாகலின் மாவும் தம் பெயர்க்கேற்ப மாசெய்தன என்க.

     இவ்வாற்றால் பிறர்க்குதவுதல் உயர்ந்தோர் அறிவொடு பொருந்திய செயலாகலின், இப்
பொழிலிற்கும் உலகறிவு மிக்குளது போலும் என்றார் என்க.