போகம் - கட்பொறிக்கு நுகர்புலன் ஆதல்.

     மாகம் - உடலுமாம். காதன் மடந்தையர் மயில்சோலையிலே பரவிச் செல்வனபோல்
மணிமேகலை புலம்பப் புக்கார் என்க.

     (இ - ள்.) செங்கண் நெடியான் - சிவந்த கண்களையுடைய நெடுமாலாகிய திவிட்ட
நம்பியின், கடிகாவில் - மணமிக்க பூம்பொழிலின் கண் உள்ள, செய்குன்றே - செய்குன்று,
கொங்கு உண் குழலார் - நறுமணம் ஊட்டப்பெற்ற அளகத்தையுடைய மகளிர்கள், குழல்ஏர்
மணிமழலை - வேய்ங்குழலிசைபோன்ற அழகிய முத்துமுத்தாய் மிழற்றுகின்ற மழலை
மொழிகள், தங்கின் - தோன்றுமிடத்தே,

     அவைகொண்டு - அம்மொழியைத் தான் ஏற்றுக்கொண்டு, தானும் எதிர் மிழற்றும் -
தானும் அம்மழலை மொழிகளை எதிரொலியாக மிழற்றா நிற்கும், ஆதலின், அங் கணவர்
செய்வ செய்து - அழகிய கண்களையுடைய அம்மகளிர் செய்யும் செயல்களைத் தானும்
செய்வதாய், அசதியாடின்று - அசதியாடிற்று.