(இ - ள்.) பூந்தளிர் தாழ்ந்த பொழில் தயங்கு பொன்வரைவாய் - அழகிய தளிர்கள்
தழைத்துத் தாழ்ந்த அப்பூம்பொழிலின்கண் உள்ள பொன்னாலாய செய்குன்றத்தில்,
ஈர்ந்தளிர்மேனியார் - நெய்ப்புடைய தளிர்போன்ற திருமேனியையுடைய அவ்வெழில்
மகளிர்கள், இவ்வாறு இனிது இயல - இவ்வாறு இன்புற்று ஆடாநிற்ப, காந்தள்
அங்குன்றின் - கோடல்கள் தழைத்த அழகிய மற்றொரு மலையில், கனபொன் மணியறை
மேல் - கனவிய பொன்னும் மணியும் நிறைந்த பாறையிடத்தே, ஏந்திளங்கொங்கை உயர்ந்து
இளையவாகிய முலைகளையுடைய, மகளிர் சிலர் இயைந்தார் - மகளிர்கள் சிலர் எய்தினர்,
(எ - று.)

     தேவியர் இவ்வாறு பொழிலாட்டயரா நின்ற பொழுது அவருட் சிலர், ஒரு குன்றின்
உச்சியிலே சென்றனர் என்க.