| பக்கம் : 1035 | | | | | வெங்கதிர் விரிந்த வெய்யோன்
விசும்பிடை 1வெதும்பி வேவச்
செங்கதிர்க் கூடங் குத்திச்
2செந்நடு வாக நின்றான்.
| (இ - ள்.) மங்கையர் தம்மையெல்லாம் - தன் தேவியராய அம்மகளிரையெல்லாம்,
மணிவண்ணன் - திவிட்டன், மருட்டி - இவ்வாறு அச்சுறுத்தி, மற்றுஇக் கொங்கு அவிழ்
குளிர்கொள் சோலை - இந்த மணங்கமழும் குளிர்ந்த சோலைசூழ்ந்த, குன்றினின்று
இழிந்தபோது - செய்குன்றிலிருந்து இயங்கியபொழுது, வெங்கதிர் விரிந்த வெய்யோன் -
வெவ்விய கதிரை விரித்த கதிரவன், விசும்பு இடைவெதும்பி வேவ - விண் தன்
இடமெல்லாம் வெப்பமுற்று வேகும்படி, செங்கதிர்க்கூடம் குத்தி - தனது செவ்விய கதிராலே
கூடாரம் அடித்து, செந்நடுவாக நின்றான் - அவ்விசும்பின் செவ்விதாய உச்சியிலே
நிற்பானாயினன், (எ - று)
செந்நடு - சரியான நடுவிடம்.
நம்பி யானையாலே தேவியரை மருட்டிக் குன்றினின் றிழிந்தபோது ஞாயிறு
உச்சியிலே நின்றான் என்க. கூடம் - சம்மட்டி. | | (538) | | | | நீர் விளையாட்டு | | 1669. | அணங்கனார் நுதலின் மேலி
லரும்பிய வாரத் தெண்ணீர்
மணங்கம ழலங்கன் மார்பன்
மனத்தினை வாங்க மற்றக்
கணங்குழை மடந்தை மாரைக்
கடிபுன லாடல் காண்பான்
3வணங்கொள்பூந் துணர்நீள் சோலை
மண்டுநீர் வாவி 4சார்ந்தான்.
| இதுமுதல், 17 செய்யுள்கள் நீர்விளையாட்டின் மேலவாய ஒரு தொடர்.
(இ - ள்.) அணங்கு அனார் - தெய்வமகளிரை ஒத்த அம்மடந்தை யரின், நுதலின்
மேலில் - நெற்றிமிசை, அரும்பிய - முகிழ்த்த, ஆரத்தெண்ணீர் - முத்துப்போன்ற தெளிந்த
வியர்வைத்துளிகள், மணங்கமழ் அலங்கல் மார்பன் - மணங்கமழ்கின்ற மாலையணிந்த
மார்பையுடைய திவிட்டநம்பியின், மனத்தினை வாங்க - உள்ளத்தைப் பெரிதும் கவர்ந்து
கொள்ள,
கணங்குழை மடந்தைமாரை - வட்ட வடிவினவாகிய தோடுகளை யுடைய தன்
தேவிமாரை, கடிபுனல் ஆடல் காண்பான் - மணமிக்க நீர் விளையாட்டு ஆடுதலைக் காண
விரும்பி, வணம்கொள் பூந்துணர் நீள்சோலை - நல்ல நிறமமைந்த பூங்கொத்துக்கள் நீளா
நின்ற அப்பூம் பொழிலிடத்தே, மண்டுநீர் வாவி - இயங்குகின்ற நீர்மிக்க பொய்கையினை,
சார்ந்தான் - அம்மகளிரோடு சென்றெய்தினான் (எ - று.)
| | |
| (பாடம்) 1வெதும்ப வெம்பி. 2 சென்னடு.
3 மணங்கொள் பூந்துணர்கொள் சோலை. 4சார்ந்தார். | | |
|
|