(இ - ள்.) சாந்து எழு சிவிறித்தாரை - சந்தனங்கலந்த நீர் எழுகின்ற துருத்தியால்
வீசப்பட்ட நீர்த்தாரைகள், சதுர்முகமாக - நான்கு திக்குகளினும், வீக்கிப் பாய்ந்தன -
விசைத்துந்தப்பட்டு நம்பியின் மேலே பாயாநின்றன, பவழச் செங்கேழ் அங்கையால் -
பவழம் போன்று சிவந்த நிறமுடைய அழகிய தம் கைகளாலே, படுத்தநீர் - பரவுமாறு
வீசப்பட்ட நீர், திவலையாகி - துளிகளாய் வந்து,

     வேய்ந்தன - நம்பியின் திருமேனியை மறைத்தன, வேரி மாலை விழுந்தன - மணம்
பொருந்திய மலர்மாலைகள் நம்பியின் தோள்மேலே வீழாநின்றன, இவ்வாற்றால் செய்த
இப்போரின்கண், நாந்தகக் கிழவன் - வாட்படையுடைய தலைவனாகிய நம்பி,
நங்கைமார்க்கு உடைந்து நின்றான் - அத்தேவிமார்க்குத் தோற்றவனாய் வறிதே நின்றான்,
பொய்யே! - ஒரோவழி தோற்றது பொய்யாயிருக்குங்கொல், (எ - று.)

     நான்கு திசையினின்றும் தாரைவீசி மகளிர் இறைத்த நீர் விழுதலாலும், மாலை
தோண்மிசை வீழ்தலாலும், நம்பி நங்கையர்க்குத் தோற்றான். ஒருகால் தோற்றது
பொய்யாயிருக்குங்கொல் எனத் தேவர் கூறினர் என்க.